الماتىدا سالىنىپ جاتقان ەكٸمشٸلٸك عيماراتتاعى ٶرت تولىقتاي سٶندٸرٸلدٸ, دەپ حابارلايدى Dala News.
تجم مەلٸمەتٸنشە, ٶرتتٸڭ اۋماعى 1000 شارشى مەتردٸ قۇراعان. قۇتقارۋشىلاردىڭ جەدەل ەرەكەتٸنٸڭ ارقاسىندا ٶرتتٸڭ تارالۋىنا جول بەرٸلمەگەن, زارداپ شەككەندەر جوق.
ٶرت الاتاۋ اۋدانىنداعى سولتٷستٸك اينالما جولدا ورنالاسقان ٷش قاباتتى عيماراتتىڭ شاتىرىندا شىققان.
ٶرت سٶندٸرۋشٸلەر وقيعا ورنىنا كەلگەننەن كەيٸن بٸردەن شاتىرعا كٶتەرٸلٸپ, التى سۋ وقپانىن بەرٸپ, جالىندى اۋىزدىقتاعان. ٶرت وشاقتارىن انىقتاۋ ٷشٸن بەنزوكەسكٸشتەر قولدانىلىپ, اۆتوساتىلار پايدالانىلعان.
وقيعا ورنىندا قۇتقارۋ قىزمەتٸنٸڭ ەۆاكۋاتورلارى جۇمىس ٸستەپ, كٶلٸكتەر قاۋٸپسٸز جەرگە كٶشٸرٸلدٸ. سونىمەن قاتار جەدەل شتاب قۇرىلىپ, اۋماق پوليتسييا تاراپىنان قورشاۋعا الىنعان.
ٶرتتٸ سٶندٸرۋ جۇمىستارىن الماتى قالاسى تجد باسشىسى دامير ەرماعامبەتوۆ باسقاردى.
جالپى, ٶرتتٸ جويۋعا 60-تان استام قىزمەتكەر مەن 20-عا جۋىق تەحنيكا جۇمىلدىرىلعان.
