Almatyda salynyp jatqan ákimshilik ǵimarattaǵy órt tolyqtai sóndirildi, dep habarlaidy Dala News.
TJM málimetinshe, órttiń aýmaǵy 1000 sharshy metrdi quraǵan. Qutqarýshylardyń jedel áreketiniń arqasynda órttiń taralýyna jol berilmegen, zardap shekkender joq.
Órt Alataý aýdanyndaǵy Soltústik ainalma jolda ornalasqan úsh qabatty ǵimarattyń shatyrynda shyqqan.
Órt sóndirýshiler oqiǵa ornyna kelgennen keiin birden shatyrǵa kóterilip, alty sý oqpanyn berip, jalyndy aýyzdyqtaǵan. Órt oshaqtaryn anyqtaý úshin benzokeskishter qoldanylyp, avtosatylar paidalanylǵan.
Oqiǵa ornynda qutqarý qyzmetiniń evakýatorlary jumys istep, kólikter qaýipsiz jerge kóshirildi. Sonymen qatar jedel shtab qurylyp, aýmaq politsiia tarapynan qorshaýǵa alynǵan.
Órtti sóndirý jumystaryn Almaty qalasy TJD basshysy Damir Ermaǵambetov basqardy.
Jalpy, órtti joiýǵa 60-tan astam qyzmetker men 20-ǵa jýyq tehnika jumyldyrylǵan.
