قازاقستان مۇنايى جاپونيا نارىعىنا باعىتتالۋى مۇمكىن، دەپ حابارلايدى Dala News.
جاپونيانىڭ ءىرى INPEX كومپانياسى قازاقستان مەن ازەربايجاننان وندىرىلەتىن مۇنايدى ساتىپ الۋشىلارعا باسىمدىقپەن جەتكىزۋگە دايىن ەكەنىن مالىمدەدى.
اڭگىمە كاسپيي تەڭىزىندەگى قاشاعان جانە ازەري-چيراگ-گيۋنەشلي كەن ورىندارىنىڭ مۇنايى تۋرالى. ءقازىر بۇل كولەمدەردىڭ باسىم بولىگى ەۋروپاعا ەكسپورتتالادى، الايدا سۇرانىس ارتسا، ءبىر بولىگى جاپونياعا باعىتتالۋى مۇمكىن.
جاپونيانىڭ قازاقستانعا قىزىعۋشىلىعى تاياۋ شىعىستان كەلەتىن مۇناي جەتكىزىلىمىنە تاۋەلدىلىكپەن بايلانىستى. قازىرگى تاڭدا ەل مۇنايىنىڭ 90%-دان استامىن وسى وڭىردەن الادى. ورمۋز بۇعازى ارقىلى تاسىمالداۋعا قاتىستى تاۋەكەلدەر توكيونى بالاما كوزدەر ىزدەۋگە يتەرمەلەپ وتىر.
الايدا نەگىزگى ماسەلە – لوگيستيكا. قازاقستان مۇنايىن جاپونياعا جەتكىزۋ ءۇشىن اينالما مارشرۋتتار قولدانىلۋى مۇمكىن، بۇل تاسىمالداۋ ۋاقىتىن 35–55 كۇنگە دەيىن ۇزارتادى.
سوعان قاراماستان، جاپونيا ەنەرگەتيكالىق قاۋىپسىزدىگىن كۇشەيتۋ ماقساتىندا قازاقستاندى ماڭىزدى ارىپتەس رەتىندە قاراستىرىپ وتىر.
