Qazaqstan munaıy Japonıa naryǵyna baǵyttalýy múmkin, dep habarlaıdy Dala News.
Japonıanyń iri INPEX kompanıasy Qazaqstan men Ázerbaıjannan óndiriletin munaıdy satyp alýshylarǵa basymdyqpen jetkizýge daıyn ekenin málimdedi.
Áńgime Kaspıı teńizindegi Qashaǵan jáne Azerı-CHırag-Gúneshlı ken oryndarynyń munaıy týraly. Qazir bul kólemderdiń basym bóligi Eýropaǵa eksporttalady, alaıda suranys artsa, bir bóligi Japonıaǵa baǵyttalýy múmkin.
Japonıanyń Qazaqstanǵa qyzyǵýshylyǵy Taıaý Shyǵystan keletin munaı jetkizilimine táýeldilikpen baılanysty. Qazirgi tańda el munaıynyń 90%-dan astamyn osy óńirden alady. Ormýz buǵazy arqyly tasymaldaýǵa qatysty táýekelder Tokıony balama kózder izdeýge ıtermelep otyr.
Alaıda negizgi másele – logıstıka. Qazaqstan munaıyn Japonıaǵa jetkizý úshin aınalma marshrýttar qoldanylýy múmkin, bul tasymaldaý ýaqytyn 35–55 kúnge deıin uzartady.
Soǵan qaramastan, Japonıa energetıkalyq qaýipsizdigin kúsheıtý maqsatynda Qazaqstandy mańyzdy áriptes retinde qarastyryp otyr.
