"بۇل رەتتە قالىپتاسقان جاعدايدى ەسكەرە وتىرىپ، نەگىزگى كۇش-جىگەردى جەرگىلىكتى جانۋ وشاقتارىن سوندىرۋگە جانە جاڭالارىنىڭ پايدا بولۋىنا جول بەرمەۋگە شوعىرلاندىرۋ ءۇشىن كۇشتەر مەن قۇرالداردى قايتا توپتاستىرۋ جۇرگىزىلدى"، – دەپ حابارلادى اباي وبلىسىنداعى ورمان ءورتى بويىنشا قۇرىلعان باس شتاب.
سونىمەن قاتار، ءورت تولىق جويىلعانعا دەيىن وقشاۋلانعان وشاقتاردىڭ ورىندارىنا ۇنەمى سۋ توگۋ، سونداي-اق ءورتتىڭ شەتىن توپىراقپەن تولتىرۋ جانە شاشۋ جۇزەگە اسىرىلاتىنى دا ناقتىلانادى.
ايتا كەتسەك، بۇگىن تاڭەرتەڭ اباي وبلىسىنداعى ءورت بۇگىن-ەرتەڭ تولىق ءوشىرىلۋى مۇمكىن ەكەنى حابارلانعان ەدى. دەگەنمەن بۇل ءورت ءسوندىرۋ جۇمىستارى 1-2 كۇندە تولىق اياقتالادى دەگەن ءسوز ەمەس.
سەبەبى ورماننىڭ ىشىندە توپىراقتىڭ بەتكى قاباتىندا شامامەن 20 سانتيمەتر تەرەڭدىكتە سونبەگەن شوقتار بولۋى مۇمكىن. جەل ۇرلەسە، ول تاعى دا تۇتانىپ، ورمان ءورتى قايتا باستالىپ كەتپەس ءۇشىن بۇل جەردەگى جۇمىستار توقتاتىلمايدى.
