"Bul rette qalyptasqan jaǵdaidy eskere otyryp, negizgi kúsh-jigerdi jergilikti janý oshaqtaryn sóndirýge jáne jańalarynyń paida bolýyna jol bermeýge shoǵyrlandyrý úshin kúshter men quraldardy qaita toptastyrý júrgizildi", – dep habarlady Abai oblysyndaǵy orman órti boiynsha qurylǵan Bas shtab.
Sonymen qatar, órt tolyq joiylǵanǵa deiin oqshaýlanǵan oshaqtardyń oryndaryna únemi sý tógý, sondai-aq órttiń shetin topyraqpen toltyrý jáne shashý júzege asyrylatyny da naqtylanady.
Aita ketsek, búgin tańerteń Abai oblysyndaǵy órt búgin-erteń tolyq óshirilýi múmkin ekeni habarlanǵan edi. Degenmen bul órt sóndirý jumystary 1-2 kúnde tolyq aiaqtalady degen sóz emes.
Sebebi ormannyń ishinde topyraqtyń betki qabatynda shamamen 20 santimetr tereńdikte sónbegen shoqtar bolýy múmkin. Jel úrlese, ol taǵy da tutanyp, orman órti qaita bastalyp ketpes úshin bul jerdegi jumystar toqtatylmaidy.
