بۇل تۋرالى ارنايى بريفينگتە قر اقپارات جەنە قوعامدىق دامۋ مينيسترٸ دەۋرەن اباەۆ مەلٸمدەدٸ, دەپ حابارلايدى Dalanews.kz.
ەڭبەك جەنە حالىقتى ەلەۋمەتتٸك قورعاۋ مينيسترٸنٸڭ تيٸستٸ بۇيرىعى 26 ناۋرىزدا جارييالانادى.
تٶلەمدەر ازاماتتاردىڭ ەكٸ ساناتى ٷشٸن قاراستىرىلعان. بٸرٸنشٸسٸ - تٶتەنشە جاعدايعا بايلانىستى اقىسى تٶلەنبەيتٸن دەمالىس العاندار.
بۇل - ايىنا شامامەن 42 مىڭ تەڭگە. بۇل ۇساق, شاعىن جەنە ورتا بيزنەستٸڭ قىزمەتكەرلەرٸ بولۋى كەرەك, ولار ٶتكەن جىلى مەملەكەتتٸك قورعا ٷش رەت تٶلەم اۋدارۋى تيٸس بولعان.
اۋداندىق جەنە قالالىق جۇمىسپەن قامتۋ شتابىنا ٶتٸنٸشتەردٸ قىزمەتكەردٸڭ ٶزٸ ەمەس, جۇمىس بەرۋشٸسٸ بەرۋٸ تيٸس. تٶلەمدەر تٶتەنشە جاعداي رەجيمٸ اياقتالعانعا دەيٸن بەرٸلەتٸن بولادى, - دەدٸ مينيستر.
تٶلەمنٸڭ ەكٸنشٸ تٷرٸ تٶتەنشە جاعداي كەزٸندە جۇمىستان بوساپ قالعان جۇمىسشىلارعا بەرٸلەدٸ. ولار جۇمىسىنان ايىرىلعانى ٷشٸن 1 ايدان 6 ايعا دەيٸن ٶتەماقى الاتىن بولادى. تٶلەم كٶلەمٸ ايىرىلعان جۇمىسى ايلىعىنىڭ 40% قۇرايدى.
ول ٷشٸن جۇمىسسىز رەتٸندە جۇمىسپەن قامتۋ ورتالىعىنا تٸركەلٸپ, ونلاين رەجيمدە ٶتٸنٸش جولداۋ كەرەك. بٸز 1,5 ميلليون ادامدى وسىنداي تٶلەمدەرمەن قامتاماسىز ەتەمٸز, - دەدٸ اباەۆ.
