Bul týraly arnaiy brifingte QR Aqparat jáne qoǵamdyq damý ministri Dáýren Abaev málimdedi, dep habarlaidy Dalanews.kz.
Eńbek jáne halyqty áleýmettik qorǵaý ministriniń tiisti buiryǵy 26 naýryzda jariialanady.
Tólemder azamattardyń eki sanaty úshin qarastyrylǵan. Birinshisi - tótenshe jaǵdaiǵa bailanysty aqysy tólenbeitin demalys alǵandar.
Bul - aiyna shamamen 42 myń teńge. Bul usaq, shaǵyn jáne orta biznestiń qyzmetkerleri bolýy kerek, olar ótken jyly memlekettik qorǵa úsh ret tólem aýdarýy tiis bolǵan.
Aýdandyq jáne qalalyq jumyspen qamtý shtabyna ótinishterdi qyzmetkerdiń ózi emes, jumys berýshisi berýi tiis. Tólemder tótenshe jaǵdai rejimi aiaqtalǵanǵa deiin beriletin bolady, - dedi ministr.
Tólemniń ekinshi túri tótenshe jaǵdai kezinde jumystan bosap qalǵan jumysshylarǵa beriledi. Olar jumysynan aiyrylǵany úshin 1 aidan 6 aiǵa deiin ótemaqy alatyn bolady. Tólem kólemi aiyrylǵan jumysy ailyǵynyń 40% quraidy.
Ol úshin jumyssyz retinde jumyspen qamtý ortalyǵyna tirkelip, onlain rejimde ótinish joldaý kerek. Biz 1,5 million adamdy osyndai tólemdermen qamtamasyz etemiz, - dedi Abaev.
