ا. پەرۋاشەۆ: "بٸر اۋلادا 10-15 جاس وتباسى پەتەر جالداپ جٷر. ال ورىستٸلدٸ جۋرناليستەر مەنٸڭ ۇسىنىسىمدى مازاققا اينالدىرۋدا"
— ەڭگٸمەنٸ سٸزدٸڭ ٷكٸمەتكە جولداعان دەپۋتاتتىق ساۋالىڭىز تٶڭٸرەگٸندە ٶربٸتسەك.
— مەنٸڭ بۇل جولعى دەپۋتاتتىق ساۋالىم اۋىلدان قالاعا كەلٸپ جۇمىس ٸستەپ جٷرگەن ەلٸمٸزدٸڭ جاستارىن قولداۋعا ارنالدى. قازٸر بازارلاردىڭ ماڭىنا بارىپ تەكسەرسەڭٸز, كٶرەسٸز, بٸرەۋدٸڭ اۋلاسىندا 10-15 وتباسى قىسىلىپ-قىمتىرىلىپ ٶمٸر سٷرٸپ جاتىر. ولار جەتٸسكەننەن جٷرگەن جوق قوي. باسپانا الۋعا, يپوتەكا تٶلەۋگە مٷمكٸنشٸلٸگٸ جوق. بۇنداي ازاماتتار قانشاما?! ولار دا بٸزدٸڭ ەلدٸڭ ازاماتتارى عوي.
— ٷكٸمەت قابىلداعان «نۇرلى جەر» باعدارلاماسى بار ەمەس پە? ونىمەن سٸز كٶتەرگەن پروبلەمانى شەشۋگە نە كەدەرگٸ?
— يە, بار. بٸراق سول «نۇرلى جەر» باعدارلاماسى بويىنشا ۋاقىتشا باسپانانى ەلەۋمەتتٸك تۇرمىسى تٶمەن وتباسىلاردىڭ ٸشٸندە قالا ازاماتتارى عانا الا الادى. قالعاندارى بۇل ساناتقا كٸرمەيدٸ.
— تٷسٸنٸكتٸ بولدى. ەندٸ مىنا ساۋالعا جاۋاپ بەرٸڭٸزشٸ, سٸزدٸڭ ٷكٸمەتكە ۇسىنىسىڭىزدى ورىستٸلدٸ باسپاسٶز دۇرىس تٷسٸنبەي قالعان سەكٸلدٸ. ولارعا تٷسٸنٸكتٸ تٸلدە سٶيلەسەڭٸز دە, ولاردىڭ سٸزگە دٶڭ-ايبات كٶرسەتۋٸ بٸرتٷرلٸ كٶرٸندٸ.
— نەنٸ مەڭزەپ وتىرعانىڭىزدى تٷسٸندٸم. كەيبٸر ورىستٸلدٸ سايتتار «ازات پەرۋاشەۆ ٷكٸمەتكە اس ٷيٸ جوق, ەجەتحاناسى جوق بٶلمەلەر سالۋدى ۇسىندى» دەپ مەنٸ كەلەكەگە اينالدىرىپتى. سونى ايتىپ تۇرسىز-اۋ. مەن شىنىندا جاتاقحانالار ارزان باعادا بولۋى ٷشٸن اس ٷيٸ ورتاق جەنە ەجەتحاناسى ورتاق كوممۋنالدىق جاتاقحانالار سالىنۋىن سۇراعان بولاتىنمىن. مۇنداي جاعدايدا باسپانا باعاسى ەدەتتەگٸدەن 40 پايىز ارزان بولاتىنى دا انىق.
ال ورىستٸلدٸ باق-تىڭ قارسى شىققانىنا مەن تاڭ قالعان جوقپىن. ەستەرٸڭٸزدە بولسا, بٸر-ەكٸ اپتا بۇرىن مەن پارلامەنتتە «قازاقستان ازاماتتىعىن الۋ ٷشٸن قازاق تٸلٸنەن جەنە تاريحىنان ەمتيحان تاپسىرۋ كەرەك» دەگەن باستاما كٶتەردٸم. (بۇل جايلى سۇحبات گازەتٸمٸزدٸڭ №14 (1143) 6 سەۋٸردەگٸ نٶمٸرٸندە شىقتى). ول كەزدە دە ورىستٸلدٸ باق ٶرە تٷرەگەلٸپ, قارسى شىقتى. ولارعا ۇلتتىق مٷددە تۋرالى ۇستانىم ۇنامايتىنى بايقالادى. بەرٸن ار-ۇياتتارىنا قالدىردىم.
