قوعام بەلسەندٸسٸ بەكەت قۇلباەۆ اتىراۋ وبلىسى جىلىوي اۋدانىنداعى مۇناي قالدىقتارىمەن لاستانعان جەردٸ رەكۋلتيۆاتسييالاۋ جۇمىستارىنىڭ نەتيجەسٸن كٶرسەتتٸ. ۆيدەو اۆتورىنىڭ ايتۋىنشا, اتالعان اۋماق قۇلسارى قالاسىنىڭ ٸرگەسٸندە ورنالاسقان. ونى قالپىنا كەلتٸرۋگە بيۋدجەتتەن شامامەن 625 ملن تەڭگە بٶلٸنٸپ, مەردٸگەر رەتٸندە "Sigma ستروي پروەكت" جشس تارتىلعان, دەپ حابارلايدى dalanews.kz.
جىلىوي اۋدانى ەكٸمدٸگٸنٸڭ رەسمي جاۋابىندا قۇلسارى قالاسىنا قاراستى 2,1 گەكتار جەردٸڭ "SatTransService" جشس قىزمەتٸ سالدارىنان مۇناي قالدىقتارىمەن لاستانعانى ايتىلعان. كومپانييا سوت شەشٸمٸمەن اۋماقتى رەكۋلتيۆاتسييالاۋعا مٸندەتتەلگەن. الايدا قارجىسىنىڭ بولماۋىنا بايلانىستى تيٸستٸ جۇمىستاردى جٷرگٸزبەگەن.
وسىدان كەيٸن جەردٸ قالپىنا كەلتٸرۋ ٷشٸن جوبالاۋ-سمەتالىق قۇجاتتاما ەزٸرلەنٸپ, ساراپتامانىڭ وڭ قورىتىندىسى الىنعان. مەسەلەنٸڭ ەكولوگييالىق ماڭىزى ەسكەرٸلٸپ, "Sigma ستروي پروەكت" جشس-مەن كەلٸسٸمشارت جاسالعان. ەكٸمدٸك رەكۋلتيۆاتسييالاۋ جۇمىستارىنىڭ تولىق اياقتالعانىن حابارلاعان.
الايدا بەكەت قۇلباەۆ اۋماقتا مۇناي قالدىقتارىنىڭ ەلٸ دە بار ەكەنٸن العا تارتتى. ونىڭ سٶزٸنشە, جەر قورشالىپ, كٶشەتتەر وتىرعىزىلعانىمەن, ولارعا تيٸستٸ كٷتٸم جاسالماعان. مۇنايمەن لاستانعان توپىراققا ەگٸلگەن اعاشتاردىڭ بٸر بٶلٸگٸ قۋراپ قالعان.
"بۇل جەر قۇلسارى قالاسىنىڭ ماڭىندا ورنالاسقان. اۋماق قورشالىپ, اعاشتار ەگٸلگەنٸمەن, كٶشەتتەر سۋارىلمايدى. مۇناي سٸڭگەن توپىراقتا ولاردىڭ قالاي ٶسەتٸنٸ تٷسٸنٸكسٸز. ەكٸمدٸكتٸڭ جاۋابىندا جۇمىس تولىق اياقتالدى دەلٸنگەن. بٸراق رەكۋلتيۆاتسييانىڭ نەتيجەسٸ وسىنداي بولۋى كەرەك پە?", - دەدٸ ۆيدەو اۆتورى.
ول رەكۋلتيۆاتسييا كەزٸندە مۇناي قالدىقتارى تولىق تازارتىلىپ, جەر باستاپقى قالپىنا كەلتٸرٸلۋگە تيٸس دەپ ەسەپتەيدٸ. سونداي-اق اتقارىلعان جۇمىستىڭ ساپاسى مەن وعان جۇمسالعان 625 ملن تەڭگەنٸڭ تيٸمدٸلٸگٸنە قاتىستى جاۋاپتى ورگانداردان تٷسٸنٸكتەمە بەرۋدٸ سۇرادى.
