«قىزمەتكەرلەردىڭ ەڭبەك جاعدايىن جۇيەلى تۇردە جاقسارتۋدى ارى قاراي جالعاستىرامىز. 1 ماۋسىمنان باستاپ الەۋمەتتىك، مادەنيەت (كىتاپحانالار، مۇراجايلار)، سپورت، جەرگىلىكتى پوليسيا قىزمەتى جانە ت.ب. ماماندارىنىڭ جالاقىسى كوتەرىلدى. وسىلايشا ەلوردا مەكەمەلەرىندە جۇمىس ىستەيتىن 4 مىڭعا جۋىق مامان قامتىلدى.
ماسەلەن الەۋمەتتىك مەكەمەلەر، مەديسينالىق-وڭالتۋ ورتالىقتارى، كىتاپحانا جانە ت.ب. ورىنداردا جۇمىس ىستەيتىن، جالاقىسى تومەن قىزمەتكەرلەردىڭ ەڭبەكاقىسى 30%-دان 50%-عا دەيىن كوبەيدى. وسىعان بايلانىستى بىرنەشە مىسال كەلتىرىپ وتەيىن:
- «جانۇيا» وتباسى ينستيتۋتىن قولداۋ ورتالىعى جانە «بەلسەندى ۇزاق ءومىر ءسۇرۋ ورتالىعى» الەۋمەتتىك قىزمەتكەرلەردىڭ جالاقىسى 1،5 ەسە ءوستى؛
- كىتاپحاناشىلاردىڭ جالاقىسى 30%-دان اسا («ورتالىق كىتاپحانا جۇيەسى» كمم)، سۋرەتشىلەردىڭ جالاقىسى 50%-عا ءوستى؛
- جەرگىلىكتى پوليسيا قىزمەتىنىڭ جالاقىسى 30%-عا دەيىن كوتەرىلدى، ازاماتتىق قىزمەتكەرلەر (س، D ساناتتارى جانە رازريادتاۋشىلار) 1،8 ەسە ءوستى.
مەملەكەت باسشىسىنىڭ تاپسىرماسى بويىنشا وسىعان دەيىن مەديسينا قىزمەتكەرلەرىنىڭ، پەداگوگتاردىڭ، كوممۋنالدىق كاسىپورىن قىزمەتكەرلەرىنىڭ جالاقىسى كوتەرىلگەن بولاتىن. وسى باعىتتاعى جۇمىستى ارى قاراي دا جالعاستىرامىز»، - دەپ جازدى ەلوردا اكىمى.
