50 paiyzǵa deiin: Astanada birqatar sala mamandarynyń jalaqysy kóterildi
«Qyzmetkerlerdiń eńbek jaǵdaiyn júieli túrde jaqsartýdy ary qarai jalǵastyramyz. 1 maýsymnan bastap áleýmettik, mádeniet (kitaphanalar, murajailar), sport, jergilikti politsiia qyzmeti jáne t.b. mamandarynyń jalaqysy kóterildi. Osylaisha elorda mekemelerinde jumys isteitin 4 myńǵa jýyq maman qamtyldy.
Máselen áleýmettik mekemeler, meditsinalyq-ońaltý ortalyqtary, kitaphana jáne t.b. oryndarda jumys isteitin, jalaqysy tómen qyzmetkerlerdiń eńbekaqysy 30%-dan 50%-ǵa deiin kóbeidi. Osyǵan bailanysty birneshe mysal keltirip óteiin:
- «Januia» otbasy institýtyn qoldaý ortalyǵy jáne «Belsendi uzaq ómir súrý ortalyǵy» áleýmettik qyzmetkerlerdiń jalaqysy 1,5 ese ósti;
- Kitaphanashylardyń jalaqysy 30%-dan asa («Ortalyq kitaphana júiesi» KMM), sýretshilerdiń jalaqysy 50%-ǵa ósti;
- Jergilikti politsiia qyzmetiniń jalaqysy 30%-ǵa deiin kóterildi, azamattyq qyzmetkerler (S, D sanattary jáne razriadtaýshylar) 1,8 ese ósti.
Memleket basshysynyń tapsyrmasy boiynsha osyǵan deiin meditsina qyzmetkerleriniń, pedagogtardyń, kommýnaldyq kásiporyn qyzmetkerleriniń jalaqysy kóterilgen bolatyn. Osy baǵyttaǵy jumysty ary qarai da jalǵastyramyz», - dep jazdy elorda ákimi.
