ۇيىم قۇجاتتى ازىرلەمەس بۇرىن الەۋمەتتىك زەرتتەۋ جۇرگىزىپ، ءبىرقاتار تۇيىتكىلدى انىقتاعان. ايتالىق، ايەلدەردىڭ جاس ەرەكشەلىگىنە قاتىستى گەندەرلىك كەمسىتۋشىلىكتى جان-جاقتى زەردەلەپتى.
اليانس جەتەكشىسى راۋشان سارسەمبايەۆانىڭ ايتۋىنشا، 45 جاستان اسقان ايەلدەردىڭ جۇمىسقا ورنالاسۋى قيىن. ال ولاردىڭ زەينەتكە شىعۋىنا ءالى 20 جىل بار.
ۇيىمنىڭ ساۋالناماسىنا جاۋاپ بەرگەن جۇمىسسىز كەلىنشەكتەردىڭ 57 پايىزى ءدال وسى سەبەپكە بايلانىستى جۇمىسقا ورنالاسا الماي جۇرگەندەرىن ايتقان.
جالپى جول كارتاسى 7 باعىتتى قامتىدى. وندا ايەلدەردىڭ قۇقىقتىق ساۋاتى، جۇمىسپەن قامتۋ، مەديسينالىق قىزمەت، رەپرودۋكتيۆتى دەنساۋلىق، جاس قىزدارعا تاربيە بەرۋ جۇمىستارىن جولعا قويۋ قاراستىرىلعان.
سونداي-اق اليانس جەرگىلىكتى باسقارۋ ورگاندارىندا ايەلدەردىڭ ۇلەسىن 50 پروسەنتكە جەتكىزۋدى ۇسىنىپ وتىر.
«قازاقستان ايەلدەر كۇشتەرىنىڭ اليانسى» زتب جەتەكشىسى راۋشان سارسەمبايەۆا
– جول كارتاسى ايەلدەر ءىسى بويىنشا قالالىق كوميسسيادا قارالدى. ەلدەگى ايەلدەردىڭ، اتاپ ايتقاندا الماتى قالاسىندا تۇراتىن ازاماتشالاردىڭ جاعدايىن جاقسارتۋعا ازاماتتىق قوعامنىڭ بەرەتىن ناقتى ۇسىنىستارىن جاريالادىق. ۇيىم مەن الماتى قالاسى اكىمدىگى اراسىندا كەلىسىم بار. قۇجاتتى قالالىق كوميسسيادا بەكىتىپ، پيلوتتىق جوبا رەتىندە جۇزەگە اسىرا باستايمىز. ودان كەيىن ايماقتاعى ايەلدەردى قامتيمىز، – دەدى «قازاقستان ايەلدەر كۇشتەرىنىڭ اليانسى» زتب جەتەكشىسى راۋشان سارسەمبايەۆا.
