42 500؟ كارانتينگە قايتا جابىلساق كومەكتىڭ مولشەرى كوبەيۋى مۇمكىن - نۇرىمبەتوۆ

Dalanews 24 قىر. 2020 07:39 481

كارانتين كەزەڭىندە جۇمىسسىز جاتقاندار ءۇشىن جۇمىسىنان ايرىلىلعان كەزەڭىنە تولەنەتىن تولەمنىڭ مولشەرىن كوبەيتۋ تۋرالى ۇسىنىستار قاراستىرىلىپ جاتىر. بۇل تۋرالى ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ مالىمدەدى، دەپ حابارلايدى Dalanews.kz. 

- وسىعان بايلانىستى ءبىز جەدەل شارالار قابىلداۋعا دايىن بولۋىمىز كەرەك. ينفراقۇرىلىمدىق جوبالاردىڭ ەسەبىنەن جۇمىس ورىندارىن ساقتاۋ جانە جاڭاسىن قۇرۋ، جۇمىسپەن قامتۋدىڭ جول كارتاسىن جالعاستىرىپ، "ەڭبەك" باعدارلاماسى بويىنشا سۋبسيديالانعان جۇمىس ورىندارىنىڭ كولەمىن ۇلعايتۋ جوسپارلانىپ وتىر.

قىسقارتىلعان جۇمىس رەجيمىنە كوشۋ كەزىندە جالاقىنىڭ ءبىر بولىگىن ەڭ تومەنگى جالاقى دەڭگەيىندە وتەلۋى نەمەسە سۋبسيديالانۋى مۇمكىن.

كارانتين كەزەڭىندەگى جۇمىسسىزدار ءۇشىن جۇمىسىنان ايرىلعان كەزەڭگە تولەنەتىن تولەم مولشەرىن كوبەيتۋ بويىنشا ۇسىنىستاردى جوسپارعا ەنگىزۋ جايى قاراستىرىلىپ جاتىر، - دەدى نۇرىمبەتوۆ.

ەڭبەك ءمينيسترى كارانتين قايتا ەنگىزىلسە، ول كوپ ادامنىڭ جۇمىسىنان ۋاقىتشا ايىرىلۋىنا، سايكەسىنشە كىرىستەرىنىڭ تومەندەۋىنە اكەلۋى مۇمكىن ەكەنىن دە اتاپ ءوتتى.

ۇسىنىلعان
سوڭعى جاڭالىقتار