Karantın kezeńinde jumyssyz jatqandar úshin jumysynan aırylylǵan kezeńine tólenetin tólemniń mólsherin kóbeıtý týraly usynystar qarastyrylyp jatyr. Bul týraly Eńbek jáne halyqty áleýmettik qorǵaý mınıstri Birjan Nurymbetov málimdedi, dep habarlaıdy Dalanews.kz. 

- Osyǵan baılanysty biz jedel sharalar qabyldaýǵa daıyn bolýymyz kerek. Infraqurylymdyq jobalardyń esebinen jumys oryndaryn saqtaý jáne jańasyn qurý, jumyspen qamtýdyń jol kartasyn jalǵastyryp, "Eńbek" baǵdarlamasy boıynsha sýbsıdıalanǵan jumys oryndarynyń kólemin ulǵaıtý josparlanyp otyr.

Qysqartylǵan jumys rejımine kóshý kezinde jalaqynyń bir bóligin eń tómengi jalaqy deńgeıinde ótelýi nemese sýbsıdıalanýy múmkin.

Karantın kezeńindegi jumyssyzdar úshin jumysynan aırylǵan kezeńge tólenetin tólem mólsherin kóbeıtý boıynsha usynystardy josparǵa engizý jaıy qarastyrylyp jatyr, - dedi Nurymbetov.

Eńbek mınıstri karantın qaıta engizilse, ol kóp adamnyń jumysynan ýaqytsha aıyrylýyna, sáıkesinshe kiristeriniń tómendeýine ákelýi múmkin ekenin de atap ótti.