2024 جىلى "شىمبۇلاق" تاۋ-شاڭعى كۋرورتى 1،5 ملن قوناق قابىلدادى. بۇل سيفر وتاندىق جانە شەتەلدىك تۋريستەردى دە قامتيدى، دەپ حابارلايدى Dalanews.kz.
ق ر تۋريزم جانە سپورت مينيسترلىگىنىڭ مالىمەتىنشە، تاۋ-شاڭعى كۋرورتىنا جازعى جانە قىسقى ماۋسىمدا شامامەن بىردەي تۋريستەر كەلگەن. ياعني، جازعى ماۋسىمدا – 700 مىڭ، قىسقى كەزەڭدە 800 مىڭ ادام "شىمبۇلاقتا" بولعان.
"تۋريستەر سانىنىڭ جىلدىق ءوسىمى 24%-دى قۇرادى"، دەلىنگەن مينيسترلىك حابارلاماسىندا.
الماتىدا ورنالاسقان "شىمبۇلاق" تاۋ-شاڭعى كۋرورتى ەل تۇرعىندارى اراسىندا دا، شەتەلدىك مەيماندار اراسىندا دا كەڭىنەن تانىمال بولا باستادى. مۇندا كوبىنەسە رەسەي، جۇڭگو، ءۇندىستان، وڭتۇستىك كورەيا جانە تاياۋ شىعىس ەلدەرىنەن تۋريستەر كەلەدى.
ايتا كەتسەك، اقپان ايىنىڭ باسىندا الەۋمەتتىك جەلىدە شىمبۇلاقتىڭ باسىنداعى جاپپاي توبەلەستىڭ ۆيدەوسى تارادى. كەيىننەن بەلگىلى بولعانداي، ماس كۇيدە بولعان شەتەلدىك تۋريستەر تاۋ شاڭعى مەكتەبىنىڭ قىزمەتكەرلەرىمەن جانجالداسقان. جالپى، جىل باسىنان بەرى الماتىعا ارنايى ساياحاتتاپ كەلەتىن شەتەلدىك تۋريستەر سانى بىلتىرمەن سالىستىرعاندا كۇرت ارتتى. 2024 جىلدىڭ تەك العاشقى سەگىز ايىندا مەگاپوليس قازىناسىنا تۋريزم سالاسىنان 62،5 ملرد تەڭگە سالىق تۇسكەن.
