2024 jyly "Shymbulaq" taý-shańǵy kýrorty 1,5 mln qonaq qabyldady. Bul tsifr otandyq jáne sheteldik týristerdi de qamtidy, dep habarlaidy Dalanews.kz.
QR Týrizm jáne sport ministrliginiń málimetinshe, taý-shańǵy kýrortyna jazǵy jáne qysqy maýsymda shamamen birdei týrister kelgen. Iaǵni, jazǵy maýsymda – 700 myń, qysqy kezeńde 800 myń adam "Shymbulaqta" bolǵan.
"Týrister sanynyń jyldyq ósimi 24%-dy qurady", delingen ministrlik habarlamasynda.
Almatyda ornalasqan "Shymbulaq" taý-shańǵy kýrorty el turǵyndary arasynda da, sheteldik meimandar arasynda da keńinen tanymal bola bastady. Munda kóbinese Resei, Qytai, Úndistan, Ońtústik Koreia jáne Taiaý Shyǵys elderinen týrister keledi.
Aita ketsek, aqpan aiynyń basynda áleýmettik jelide Shymbulaqtyń basyndaǵy jappai tóbelestiń videosy tarady. Keiinnen belgili bolǵandai, mas kúide bolǵan sheteldik týrister taý shańǵy mektebiniń qyzmetkerlerimen janjaldasqan. Jalpy, jyl basynan beri Almatyǵa arnaiy saiahattap keletin sheteldik týrister sany byltyrmen salystyrǵanda kúrt artty. 2024 jyldyń tek alǵashqy segiz aiynda megapolis qazynasyna týrizm salasynan 62,5 mlrd teńge salyq túsken.
