قازاقستاندا كيىم-كەشەك، اياق كيىم جانە اۆتوكولىكتەر ەاەو ەلدەرىمەن سالىستىرعاندا ەڭ جوعارى قارقىنمەن قىمباتتاعان. 2024 جىلدىڭ قورىتىندىسى بويىنشا (12 ايدا) قازاقستاندا ازىق-تۇلىككە جاتپايتىن تاۋارلار ورتا ەسەپپەن 8،3%-عا قىمباتتاپ، ەۋرازيالىق ەكونوميكالىق وداقتاعى ەڭ ماڭىزدى كورسەتكىش رەتىندە تىركەلدى، دەپ جازادى Dalanews.kz DATA HUB مالىمەتتەرىنە سۇيەنە وتىرىپ.
ەۋرازيالىق ەكونوميكالىق كوميسسياسى جاريالاعان تاۋارلار تىزبەگىندە ءبىزدىڭ ەلدەگى ازىق-تۇلىككە جاتپايتىن ونىمدەردىڭ ءبىقاتارىنىڭ بىردەن قىمباتتاۋى ەاەو ەلدەرى اراسىندا بىردەن كوزگە تۇسەدى.
سونىمەن ەاەو-داعى باعانىڭ ورتاشا قارقىنى 4،1% بولعاندا قازاقستاندا كيىم-كەشەك پەن توسەك جايمالارىنىڭ باعاسى 9،9%-عا وسكەن.
قازاقستاندا اياق-كيىم ءبىر جىل ىشىندە 11،4%-عا قىمباتاسسا، بۇل كورسەتكىش ەاەو بويىنشا 4،8%-دى قۇراعان. بالالار اياق-كيىمى بويىنشا الشاقتىق ودان دا كوپ: ءبىزدە 13،3%، ال ەكونوميكالىق وداقتا 3،6% ءوسىم تىركەلگەن.
قازاقستاندىق تۇتىنۋشىلار ءۇشىن ماتالار 8،0%-عا قىمباتتاسا، بۇل رەتتەگى ەاەو بويىنشا ورتاشا كورسەتكىش -3،5%.
ەاەو بويىنشا جەڭىل كولىكتەر ورتاشا ەسەپپەن 3،3%-عا قىمباتتاسا، ال بىزدەگى بۇل رەتتەگى ءوسىم 6،4%-دى قۇرايدى. سونىمەن قاتار ارمەنيادا، بەلارۋس ەلىندە، قىرعىز رەسپۋبليكاسىندا جەڭىل كولىكتەر، كەرىسىنشە ءبىر جىل ىشىندە ءبىرشاما ارزاندادى.
جيھاز قازاقستاندا 10،2%-عا، ەاەو-دا 6،9%-عا قىمباتتادى.
قازاقستاندا تەلەديدارلاردىڭ قىمباتتاۋى انومالدى كورىنىس رەتىندە سياپاتتالدى: بىزدەگى باعا ءوسىمى 37،5%، ەاەو بويىنشا – 5،3%.
بۇعان دەيىن سايتىمىزدا "ينفلياسيا بولجامدى كورسەتكىشتەن اسىپ ءتۇسىپ، ساراپشىلار شۋ ەتتى" دەگەن ماقالا جاريالانعان بولاتىن. وندا 2025 جىلى قاڭتارداعى دەرەك بويىنشا، قازاقستانداعى ينفلياسيا 8،9% قۇراعانى ايتىلادى.بۇل سيفر بولجامدى كورسەتكىشتەردەن دە جوعارى بولىپ، ساراپشىلار دەر ۋاقىتىندا شارا قابىلداماعان ۇلتتىق بانكتى ايىپتادى. ال ۇلتتىق بانك ەلىمىزدە توقتاۋسىز ءوسىپ جاتقان تۇتىنۋشىلىق نەسيە بۇعان سەبەپ ەكەنىن ايتادى.
