ۇلتتىق بانك بازالىق مٶلشەرلەمەنٸ 18% دەڭگەيٸندە ساقتاپ وتىر. ساراپشىلاردىڭ پٸكٸرٸنشە, بۇل شەشٸم ينفلياتسييا قىسىمىن تەجەۋگە باعىتتالعانىمەن, ەكونوميكا مەن بيزنەس بەلسەندٸلٸگٸنە ايتارلىقتاي ەسەر ەتٸپ وتىر, دەپ حابارلايدى Dalanews.kz.
ساراپشىلاردىڭ پٸكٸرٸنشە, جوعارى پايىز مٶلشەرلەمەسٸ ينۆەستيتسييالىق كرەديتتٸ شەكتەپ, بيزنەستٸڭ دامۋ قارقىنىن باياۋلاتادى. قارىز قىمباتتاعان كەزدە كومپانييالار جاڭا جوبالاردى ٸسكە قوسۋدان گٶرٸ قولداعى قارجىنى ساقتاۋعا باسىمدىق بەرەدٸ. نەتيجەسٸندە كەسٸپورىنداردىڭ ۇزاق مەرزٸمدٸ جوسپارلاۋ مٷمكٸندٸگٸ قىسقارىپ, ەكونوميكالىق بەلسەندٸلٸك تٶمەندەۋٸ ىقتيمال. ەسٸرەسە, شاعىن جەنە ورتا بيزنەسكە, سونداي-اق, ٸرٸ كاپيتال سالۋدى قاجەت ەتەتٸن سالالارعا سالماق تٷسەدٸ.
قارجى ماماندارىنىڭ ايتۋىنشا, كورپوراتيۆتٸك كرەديتتەردٸڭ قۇنى 20–30% دەڭگەيٸنە جەتكەن جاعدايدا نەسيە دامۋ قۇرالى بولۋدان قالىپ, تەك قازٸرگٸ قاجەتتٸلٸكتٸ جابۋعا ارنالعان قۇرالعا اينالادى. مۇنداي كەزەڭدە بانكتەر ٷشٸن تەۋەكەلٸ تٶمەن مەملەكەتتٸك باعالى قاعازدارعا ينۆەستيتسييا سالۋ تيٸمدٸرەك كٶرٸنەدٸ. سونىڭ سالدارىنان ٸرٸ ينۆەستيتسييالىق جوبالار سانى قىسقارادى.
قىمبات كاپيتال بيزنەس شىعىندارى ٶسۋٸنە دە ەسەر ەتەدٸ. قولجەتٸمدٸ قارجىلاندىرۋ بولماعان جاعدايدا كەسٸپورىندار شىعىندى تاۋار مەن قىزمەت باعاسىنا قوسۋعا مەجبٷر بولادى. بۇل ٶز كەزەگٸندە ينفلياتسييانى تەجەۋگە باعىتتالعان ساياساتتىڭ تيٸمدٸلٸگٸن ەلسٸرەتۋٸ مٷمكٸن. ياعني مٶلشەرلەمە سۇرانىستى قىسقارتقانىمەن, ٶندٸرٸس شىعىندارىنىڭ ٶسۋٸ ارقىلى باعاعا جاناما قىسىم جاسايدى.
مىسالى, كومپانييا 120 ملن تەڭگەگە ٷش كٶلٸكتٸ ليزينگكە الۋدى جوسپارلاسا, پايىز مٶلشەرلەمەسٸ ٶسكەن سايىن جوبانىڭ جالپى قۇنى ايتارلىقتاي ٶسەدٸ. تٶلەم كٶلەمٸ ۇلعايۋى بيزنەسكە قوسىمشا قارجىلىق جٷك تٷسٸرٸپ, ينۆەستيتسييالىق شەشٸمدەردٸ كەيٸنگە قالدىرۋعا يتەرمەلەيدٸ.
ساراپشىلار جوعارى بازالىق مٶلشەرلەمە قىسقا مەرزٸمدە قارجىلىق تۇراقتىلىقتى قامتاماسىز ەتسە دە, ۇزاق مەرزٸمدٸ ەكونوميكالىق ٶسٸمگە شەكتەۋ قوياتىنىن اتاپ ٶتەدٸ. سوندىقتان ينفلياتسييامەن كٷرەس تەك اقشا-كرەديت قۇرالدارىمەن شەكتەلمەي, تيٸمدٸ بيۋدجەت ساياساتى, قۇرىلىمدىق رەفورمالار جەنە ينۆەستيتسييالىق ورتانى جاقسارتۋ شارالارىمەن قاتار جٷرۋٸ قاجەت. مامانداردىڭ سٶزٸنشە, وسىنداي كەشەندٸ تەسٸل عانا ەكونوميكانىڭ تۇراقتى دامۋىنا مٷمكٸندٸك بەرەدٸ.
