سوت وتىرىسىندا پەريزات قايراتتىڭ اناسى عايني الاشبايەۆانىڭ تەلەفونىنا ساقتاپ قويعان جازباسى وقىلدى، دەپ حابارلايدى Dalanews.kz.
تىزىمدە مىنا نارسەلەر جازىلعان (ورفوگرافياسى ساقتالدى):
"37 000 000 - ماشينا،
5 000 000 ءتىس ەمدەۋ،
10 000 000 تۋرسياگا بارىپ ەمدەلىپ كەلۋ،
3 000 000 بادى الىپ ءىشۋ،
10 000 000 كىدىرۋ،
3 000 000 فەن شۋي 1 000 000 بازسى وكۋ،
2 000 000 وفلاين بارۋ كىدىرۋ سول ۋاكىتتاردا،
3 000 000 كيىم الۋ
3 000 000 بىلەزىك اك التىن بريليانت".
ەسكە سالايىق، بۇعان دەيىن پروكۋرورلار پەريزات قايراتتى 10 جىلعا، اناسىن 8 جىلعا سوتتاۋدى سۇراعان بولاتىن.
بۇعان دەيىن ءىستى قاراپ جاتقان سۋديا سابىرجان كاريموۆ سوت وتىرىستارىنىڭ كەستەسىن دۇيسەنبى جانە بەيسەنبى كۇندەرىنە بەلگىلەگەن بولاتىن. الايدا وتكەن اپتادا وتىرىستار سارسەنبى، بەيسەنبى جانە جۇما كۇنىنىڭ ءبىرىنشى جارتىسىندا دا وتكىزىلدى.
بۇعان دەيىن سوت وتىرىسىندا قايراتقا 200 ملن تەڭگە اۋدارعان كومپانيانىڭ وكىلى گاليا يسايەۆا ءسوز سويلەگەن ەدى. ونىڭ ايتۋىنشا، سول كەزەڭدە كومپانيانى پەريزات قايراتتىڭ الەۋمەتتىك جەلىدەگى بەلسەندى جارناماسى سەندىرگەن.
سونىمەن قاتار Jusan Bank پەريزات قايراتتىڭ قورىن تەكسەرمەستەن 300 ملن تەڭگە اۋدارعانى تۋرالى مالىمدەگەن ەدى.
پەريزات قايراتقا قاتىستى ءۇش ەپيزودتىڭ بىرىندە ول سۋ تاسقىنىنان زارداپ شەككەندەرگە كومەك كورسەتۋ ءۇشىن شامامەن 2،9 ملرد تەڭگە جيناپ، ونىڭ تەك 920 ملن تەڭگەسىن عانا ماقساتتى تۇردە جۇمسادى دەپ ايىپ تاعىلدى.
