Sot otyrysynda Perizat Qairattyń anasy Ǵaini Alashbaevanyń telefonyna saqtap qoiǵan jazbasy oqyldy, dep habarlaidy Dalanews.kz.
Tizimde myna nárseler jazylǵan (orfografiiasy saqtaldy):
"37 000 000 - mashina,
5 000 000 tis emdeý,
10 000 000 týrtsiiaga baryp emdelip kelý,
3 000 000 bady alyp ishý,
10 000 000 kydyrý,
3 000 000 fen shýi 1 000 000 baztsy oký,
2 000 000 oflain barý kydyrý sol ýakyttarda,
3 000 000 kiim alý
3 000 000 bilezik ak altyn briliant".
Eske salaiyq, buǵan deiin prokýrorlar Perizat Qairatty 10 jylǵa, anasyn 8 jylǵa sottaýdy suraǵan bolatyn.
Buǵan deiin isti qarap jatqan sýdia Sabyrjan Karimov sot otyrystarynyń kestesin dúisenbi jáne beisenbi kúnderine belgilegen bolatyn. Alaida ótken aptada otyrystar sársenbi, beisenbi jáne juma kúniniń birinshi jartysynda da ótkizildi.
Buǵan deiin sot otyrysynda Qairatqa 200 mln teńge aýdarǵan kompaniianyń ókili Galia Isaeva sóz sóilegen edi. Onyń aitýynsha, sol kezeńde kompaniiany Perizat Qairattyń áleýmettik jelidegi belsendi jarnamasy sendirgen.
Sonymen qatar Jusan Bank Perizat Qairattyń qoryn teksermesten 300 mln teńge aýdarǵany týraly málimdegen edi.
Perizat Qairatqa qatysty úsh epizodtyń birinde ol sý tasqynynan zardap shekkenderge kómek kórsetý úshin shamamen 2,9 mlrd teńge jinap, onyń tek 920 mln teńgesin ǵana maqsatty túrde jumsady dep aiyp taǵyldy.
