جاقىندا «Qazaqstan» ۇلتتىق تەلەارناسىنداعى «1-ستۋدييا» ساياسي توك-شوۋىندا ارمان شوراەۆ, بەلگٸلٸ جۋرناليست ەرمۇرات باپي, جۋرناليست, قوعام بەلسەندٸسٸ – ارمان سقابىلۇلى جەنە جۋرناليست, زاڭگەر دينا ەلگەزەكتەر قازٸرگٸ قازاق جۋرناليستيكاسىنا قاتىستى ٶز ويلارىن ورتاعا سالدى. دەل وسى وسى توك-شوۋدا كٶتەرٸلگەن مەسەلەگە قاتىستى بەلگٸلٸ جۋرناليست, «ەگەمەن قازاقستان» گازەتٸنٸڭ وڭتٷستٸك قازاقستان وبلىسىنداعى مەنشٸكتٸ تٸلشٸسٸ عالىمجان ەلشٸباي ٶزٸنٸڭ فەيسبۋكتاعى پاراقشاسىندا پٸكٸر بٸلدٸردٸ.
شيرەك عاسىردان بەرٸ جۋرناليستيكانىڭ "وتىمەن كٸرٸپ كٷلٸمەن شىعىپ" جٷرٸپ جيناقتاعان ەرٸ اۋداندىق گازەتتٸڭ كوررەكتورلىعىنان باستاپ قالالىق, وبلىستىق باسىلىمدا, رەسپۋبليكالىق جەكەمەنشٸك جەنە مەملەكەتتٸك اقپارات قۇرالىندا جۇمىس ٸستەپ كەلە جاتقان تەجٸريبەمە سٷيەنە وتىرىپ بٸردەن ايتسام بٷگٸنگٸ باسپاسٶزدٸڭ "باس اۋرۋىنا" اينالعان توك شوۋ كٶڭٸلٸمنەن شىققان جوق.
نەگە? بٸرٸنشٸدەن, تاقىرىپ اشىلعان جوق. بولماسا تاقىرىپتى تىم اۋقىمدى ەتٸپ ايقايلاتىپ قويماي "تەلەارناداعى جولبيكە جٷرگٸزۋشٸلەر قايدان پايدا بولدى?" دەپ شەڭبەردٸ قىسقالاۋ سىزۋ كەرەك ەدٸ. ەبدەن جاۋىر بولعان تاقىرىپ بۇل توك-شوۋدىڭ دا التىن ۋاقىتىنىڭ كٶپ بٶلٸگٸن الىپ تاعى شيىرلاي تٷستٸ.
ەكٸنشٸدەن, سپيكەرلەر دۇرىس تاڭدالماعان. تٶرتەۋدٸڭ ٷشەۋٸ تەلەارنادا تەر تٶككەندەر, بٸرەۋٸ عانا گازەتتٸ جاقسى بٸلەدٸ. جۋرناليستيكانىڭ باستاۋى گازەتتەن باستالادى دەسەك تە "بۇرىن شىققان مۇرتتان كەيٸن شىققان ساقال وزعان" زاماندا تەلەارنانىڭ تەگەۋرٸنٸ, ىقپالى قانشالىقتى زور دەگەنمەن قازٸرگٸنٸڭ تۇز كٶزٸرٸ-اقپاراتتىق پورتالدىڭ جەلكەنٸن كەرٸپ ەسكەگٸن ەسكەن بٸر ادام وسى تالقىلاۋدىڭ بەل ورتاسىندا بٸلەك سىبانۋى كەرەك ەدٸ.
ٷشٸنشٸدەن, جۋرناليستيكا فاكۋلتەتٸن اشۋ, جابۋ مەسەلەسٸ "مايشاممەن" تالقىلانعان تۇستا وسى ماماندىققا جاقسىلى-جاماندى شەكٸرت دايارلاۋعا اتسالىپ جٷرگەن بٸر ۇستاز مٸندەتتٸ تٷردە قاتىسۋى قاجەت بولاتىن. بٷگٸندە كٶلدەنەڭنەن قوسىلعان كٶك اتتىلار ەر سالادا دا از ەمەستٸگٸن ەسكەرسەك وندا ەدٸلدٸك ٷشٸن وقۋ ورىندارىنداعى بارلىق ماماندىققا تۇساۋ سالۋعا تيٸسپٸز, ال ارمان شوراەۆتىڭ جۋرناليستيكا فاكۋلتەتٸن جابۋ تۋرالى ويى سۋدا مالتي المايتىن ادامعا جٷزۋدٸ ٷيرەتۋدٸڭ ورنىنا تٶبەسٸنەن باسىپ تۇنشىقتىرا تٷسۋ بولىپ شىقپاي ما?
تٶرتٸنشٸدەن, بۇل جولى ايتىلعان ٶتكٸر پٸكٸرلەر دۇرىس شىعار, بٸراق اقپارات سالاسىندا وڭ ٶزگەرٸستەر بارىن دا مٷلدەم جوققا شىعارماي نەلٸكتەن جۋرناليستەر ارقىلى ەلدٸڭ, قوعامنىڭ دامۋىنا قوسىپ جٷرگەن جاقسى جاقتار, جاڭاشا باستامالار تارازىعا تارتىلمادى? باسقالاردىڭ توپىراق شاشىپ جٷرگەنٸ ازداي ولارمەن جارىسىپ "ٶز كٶرٸمٸزدٸ ٶزٸمٸز قوسىلا قازعاننان" نە ۇتامىز?
بەسٸنشٸدەن, ٶزٸمٸزبەن ارالاس-قۇرالاس جٷرگەن ەرٸپتەسٸمٸز-دوسىمىز بەرٸك ۋەلي باسقالارىن ايتپايمىن دەل وسى جولعى توك شوۋدا تٸكەلەي ٶزٸنە قابىرعاسىنان قويىلعان ناقتى سۇراقتارعا جاۋاپ بەرە العان جوق. بٷيتٸپ قوجاناسىر سيياقتى ٶزٸ وتىرعان "بۇتاقتى كەسكەنشە" دۇرىسى "كٶتەرە الماس شوقپاردى بەلگە بايلاماۋ"..."پلاتون مەنٸڭ دوسىم, بٸراق اقيقات ودان قىمبات" دەگەن وسىندايدا ايتىلسا كەرەك سٸرە!
التىنشىدان, تەلەارنا تٸزگٸنٸن ۇستاعان ەرلان قاريندٸ جاڭادان امەريكا اشقان ادامعا تەڭەۋ اسىرا سٸلتەۋ سيياقتى. ۇلتتىق ارنا شەرxان مۇرتازا, عالىم دوسكەن باسقارعان جىلدارى داڭقى قالاي دٷركٸرەگەنٸن ەل ۇمىتا قويعان جوق, ۇمىتپايدى دا. ەرٸپتەستەر پوزنەر-پوزنەر دەپ اۋىزدارىنىڭ سۋى قۇرىعانشا مىسال ٷشٸن تاعى ەكٸ-ٷش ادامدى ايتساق, الدىڭعى بۋىننان نۇرتٸلەۋ يمانعاليۇلىنىڭ, كەيٸنگٸ بۋىننان قاسىم امانجولدىڭ قالاي تەلەسۇقبات قۇراتىنىن تالاي جاستار جىر قىلىپ ايتاتىنىن شىنىمەن ەستٸمەي جٷر مە?
جەتٸنشٸدەن... وسىلاي ايتا تٷسسەك بۇل تاقىرىپقا قاتىستى ون ساۋساقتى دا بٷگٸپ تۇرىپ وي ايتا بەرۋگە بولادى. بۇل جولى وسىمەن شەكتەلەيٸن. ەرينە, جۇرت جابىلا ماقتاۋعا كٶشكەندە قارسى پٸكٸر قوزعاسام ٶز سٶزٸم ٶزٸمدٸكٸ. اقيقات پٸكٸرتالاستان تۋادى.
عالىمجان ەلشٸباي, جۋرناليست
دەرەككٶزٸ:
