قازاقستاندا 1 قىركۇيەكتەن باستاپ مەكتەپ اسحانالارىندا كەيبىر تاعام تۇرلەرىن ساتۋعا تىيىم سالىنادى، دەپ حابارلايدى Dalanews.kz.
“قازاقستان رەسپۋبليكاسى دەنساۋلىق ساقتاۋ كودەكسىنىڭ 7-بابىنىڭ 103-تارماقشاسىنا سايكەس بۇيىرامىن: دەنساۋلىق ساقتاۋ جانە ءبىلىم بەرۋ ۇيىمدارىنداعى تاماقتانۋ ستاندارتتارىن جاڭا رەداكسيادا بەكىتۋ”، – دەلىنگەن دەنساۋلىق ساقتاۋ مينيسترلىگىنىڭ بۇيرىعىندا.
ءبىر رەتتىك ىستىق تاماقتى ۇيىمداستىرۋ كەزىندە اس قابىلداۋ ەكىنشى ساباقتان كەيىنگى ۇزىلىستە قامتاماسىز ەتىلۋى كەرەك جانە وعان 10-30 مينۋت ۋاقىت بولىنەدى.
ءبىلىم بەرۋ ۇيىمدارىندا وندىرىلمەيتىن جانە ساتۋعا بولمايتىن ازىق-تۇلىك ونىمدەرى مەن شيكىزاتتاردىڭ ءتىزىمى:
• قايتا مۇزداتىلعان ەت پەن قۇس ونىمدەرى
• قايتا مۇزداتىلعان بالىق جانە بالىق ونىمدەرى
• تۇزدالعان (از تۇزدالعان) بالىق
• ەت مەحانيكالىق جولمەن سۇيەكتەن اجىراتىلعان ونىمدەر
• قۇس ەتىنەن جاسالعان كوللاگەندى شيكىزات
• التى ايدان ۇزاق ساقتالعان مۇزداتىلعان ەت بلوكتارى
• قۇرامىندا 20%-دان كوپ مايلى جانە دانەكەر ءتىنى بار سيىر ەتى
• شوشقا ەتى، قوي ەتى، بۇقا، قابان جانە ارىق مال ەتى
• باۋىر، ءتىل، جۇرەك جانە قاننان باسقا سۋبونىمدەر
• لاستانعان نەمەسە قابىعى زاقىمدالعان جۇمىرتقا
• پاستەريزاسيادان وتپەگەن ءسۇت جانە ءسۇت ونىمدەرى
• ءسۇت مايىن الماستىرعىشتارى بار ونىمدەر
• قۇرامىندا ەتتەن باسقا ينگرەديەنتتەرى بار ەت ونىمدەرى
• بەلگىلى ءبىر قىشقىلدىق كورسەتكىشتەرىنەن جوعارى وسىمدىك مايلارى
• حلوپوك مايى
• گيدروگەنيزاسيالانعان مايلار
• اششى دامدەۋىشتەر (بۇرىش، قىشا، جەلكەك)
• ساڭىراۋقۇلاقتار
• قۇرامىندا تاتتىلەندىرگىشتەر، كۇشەيتكىشتەر، كونسەرۆانتتار، سينتەتيكالىق بوياعىشتار بار ونىمدەر
• تۇز مولشەرى 0،3%-دان، قانت مولشەرى 5%-دان جوعارى ونىمدەر
• ونەركاسىپتىك كونسەرۆىلەر
• ۇيدە دايىندالعان ونىمدەر
• يودتالماعان تۇز
• تەمىرمەن بايىتىلماعان جوعارى جانە ءبىرىنشى سورتتى ۇن
• لاستانعان نەمەسە زيانكەستەرمەن بۇلىنگەن جارما، ۇن، كەپتىرىلگەن جەمىستەر
• گمو بار شيكىزات
• پەستيسيدتەر قولدانىلعان ونىمدەر
• بەنزوي جانە سوربين قىشقىلدارى بار ونىمدەر
سونىمەن قاتار تىيىم سالىنادى:
• كەشەگى تاماق قالدىقتارىن جاڭا تاماقپەن ارالاستىرۋ
• سالقىنداتقىش جابدىقسىز ساقتالعان ونىمدەردى ساتۋ
• وتپەگەن تەز بۇزىلاتىن تاعامداردى مۇزداتۋ جانە قايتا ساتۋ
• دايىن تاعامدارعا زاۋىتتان تىس سوۋستار قوسۋ
• اسحانا قىزمەتكەرلەرىنەن باسقا ادامداردىڭ تاعام دايىنداۋعا ارالاسۋى
• دايىن تاماقتاردى ەكى ساعاتتان ارتىق ساقتاپ ساتۋ
تىيىم سالىنعان تاعامدار:
• قايماق، سۇزبە، ايران
• فارش سالىنعان قۇيماق
• فلوتشا ماكارون
• پاشتەتتەر، ستۋدەن
• كرەمدى كونديتەرلىك ونىمدەر
• تاتتىلەر
• مورس، كۆاس
• قۋىرۋ مايىندا قۋىرىلعان تاعامدار
• شيكى جۇمىرتقادان جاسالعان وملەت
• مايونەز جانە قايماق قوسىلعان سالاتتار
• وكروشكا
• ساڭىراۋقۇلاقتار
• ءۇي جاعدايىندا دايىندالعان كونسەرۆىلەر
• جىلدام دايىندالاتىن قۇرعاق سورپالار
• فاست-فۋد ونىمدەرى (گامبۋرگەر، حوت-دوگ، پيسسا، ناگگەتس، چيپسى، ءدامدى سۋحاريكتەر)
• كەچۋپ، وتكىر سوۋستار
• پاستەريزاسيادان وتپەگەن ءسۇت ونىمدەرى
• شۇجىق ونىمدەرى، ىستالعان ەتتەر
• كوفە جانە كوفە سۋسىندارى
• تۇز مولشەرى 0،5%-دان، قانت مولشەرى 25%-دان جوعارى ونىمدەر
• الكوگول، ابريكوس داندەرى، سىركە سۋى قوسىلعان ونىمدەر
تىيىم 2025 جىلدىڭ 1 قىركۇيەگىنەن باستاپ كۇشىنە ەنەدى.
