Halyk Finance ۇلتتىق قور مەن ۇلتتىق بانك وپەراتسييالارىنا سٷيەنە وتىرىپ, تەڭگەنٸڭ قىسقا جەنە ورتا مەرزٸمدٸ پەرسپەكتيۆالارىنا شولۋ جاسادى. قىركٷيەك ايىنداعى تەڭگەنٸڭ ەلسٸرەۋٸن ماۋسىمدىق فاكتورلارمەن بايلانىستىرعان ساراپشىلار قازاندا ٷكٸمەتكە ٷنەم جاساۋعا تۋرا كەلەتٸنٸن ايتادى, ال جىل سوڭىنا دەيٸنگٸ تەڭگەگە شاققانداعى 1 اقش دوللارىنىڭ قۇنىنا قاتىستى بۇعان دەيٸنگٸ بولجامدارىن ٶزگەرٸسسٸز قالدىردى, دەپ حابارلايدى Dalanews.kz.
"قازان ايىندا ۇلتتىق قوردان 600–700 ملن دوللار ارالىعىندا ۆاليۋتا ساتىلادى دەپ جوسپارلانعان. بۇل ساراپشىلار كٷتكەن كٶلەمنەن جوعارى بولىپ وتىر. مۇنداي قادام "سامۇرىق-قازىنانىڭ" باعالى قاعازدارىن قارجىلاندىرۋمەن بايلانىستى بولۋى مٷمكٸن. جالپى, 2025 جىلعا بەكٸتٸلگەن ترانسفەرت كٶلەمٸ – 5,25 ترلن تەڭگە. ونىڭ ٸشٸندە سەگٸز ايدا 3,83 ترلن تەڭگە جۇمسالىپ ٷلگەردٸ, ياعني ايىنا ورتا ەسەپپەن 479 ملرد تەڭگە پايدالانىلعان. جىل سوڭىنا دەيٸن 2025 جىلعى جوسپارعا ساي بولۋ ٷشٸن ايلىق ترانسفەرت كٶلەمٸن 355 ملرد تەڭگەگە دەيٸن قىسقارتۋ قاجەت. بۇل – 25,8% تٶمەندەۋ جەنە فيسكالدىق ىنتالاندىرۋدىڭ ايتارلىقتاي شەكتەلۋٸن بٸلدٸرەدٸ. دەمەك, ۇلتتىق قوردان ساتۋ ٷشٸن شىعارىلاتىن ۆاليۋتا كٶلەمٸ دە قىسقارۋى تيٸس", - دەيدٸ Halyk Finance تالداۋ ورتالىعىنىڭ ساراپشىسى سالتانات يگەنبەكوۆا.
ونىڭ ايتۋىنشا, التىنمەن بايلانىستى شاعىلىستىرۋ پراكتيكاسى دا ٶز جالعاسىن تابادى, ونىڭ شەڭبەرٸندە IV توقساندا (1,4 ترلن تەڭگە) ۇلتتىق بانك اي سايىن شامامەن 467 ملرد تەڭگە (شامامەن 848 ملن دوللار) سوماعا شەتەل ۆاليۋتاسىن ساتۋدى جوسپارلاپ وتىر.
"بۇعان ەلەمدٸك نارىقتا التىن باعاسىنىڭ ايتارلىقتاي ٶسۋٸنەن تۋىنداعان تەڭگەلٸك ەميسسييا كٶلەمٸنٸڭ ارتۋى تٷرتكٸ. 2025 جىلدىڭ باسىنان باستاپ تولىق شىعارىلماعان ٶتٸمدٸلٸكتٸڭ جيناقتالۋىنا بايلانىستى الداعى توقسان ٸشٸندە شەتەل ۆاليۋتاسىن ساتۋدى ۇلعايتۋ جوسپارلانۋدا. بۇل ۆاليۋتا نارىعىندا قوسىمشا ۇسىنىستى پايدا بولۋىن تۋدىرىپ, سەيكەسٸنشە ۇلتتىق قوردان ساتۋ ٷشٸن شىعارىلاتىن ۆاليۋتا كٶلەمٸنٸڭ قىسقارۋىنا ىقپال ەتەدٸ جەنە سىرتقى كٷيزەلٸستەر بولماسا تەڭگەنٸڭ تۇراقتىلىعىنا قولداۋ كٶرسەتەدٸ", - دەيدٸ ول.
سونداي-اق, قازاق ايىندا كۆازيمەملەكەتتٸك سەكتور سۋبەكتٸلەرٸنٸڭ ۆاليۋتالىق تٷسٸمنٸڭ بٸر بٶلٸگٸن مٸندەتتٸ ساتۋ نورماسى اياسىندا ٶتكەن ايدىڭ قورىتىندىسى بويىنشا ۆاليۋتالىق تٷسٸمدٸ ساتۋ كٶلەمٸ شامامەن 378 ملن اقش دوللارىن قۇرادى. بجزق ۆاليۋتا اكتيۆتەرٸنٸڭ ٷلەسٸ وسىعان دەيٸنگٸ جوسپارعا سەيكەس شامامەن 40% ەكەنٸن ەسكەرە وتىرىپ, ۇلتتىق بانك قىركٷيەكتە زەينەتاقى اكتيۆتەرٸنٸڭ ينۆەستيتسييالىق پورتفەلٸنە اقش دوللارىن ساتىپ العان جوق. قازاندا دا ۆاليۋتا ساتىپ الۋ جوسپارلانبايدى.
"نەتيجەسٸندە, قازان ايىندا ۇلتتىق بانك تاراپىنان نارىقتا ۆاليۋتانىڭ تازا ساتىلىمى شامامەن 1 448-1 548 ملن دوللاردى قۇرايدى (ۇلتتىق بانكتٸڭ نەتتو- ساتىلىمىنا ۇلتتىق قوردان ساتۋ ٷشٸن شىعارىلعان جەنە التىندى ساتۋدان تٷسكەن ۆاليۋتالار كٸرەدٸ), بۇل 2025 جىلعى ەڭ جوعارى دەڭگەي بولادى. بۇرىن تازا ساتىلىمنىڭ ماكسيمالدى مەنٸ شٸلدە ايىندا, وندا دا تەڭگە قۇنى كٷرت ەلسٸرەگەندە 1 339 ملن دوللار دەڭگەيٸندە تٸركەلگەن", دەپ ناقتىلايدى ساراپشى.
سونداي-اق ول مۇناي باعاسىنا قاتىستى دا بولجامىمەن بٶلٸستٸ.
"بٸز مۇنايدىڭ بٸر باررەلٸ جاقىن بولاشاقتا 70 دوللار شاماسىندا ساقتالىپ, ەكسپورت كٶلەمٸ ٶتكەن جىلمەن سالىستىرعاندا جوعارى بولادى دەپ باجايلايمىز. بۇل تەڭگە باعامىنا ايتارلىقتاي ٶزگەرٸس ەكەلەتٸن جاعدايدى تانىتا المايدى. سوندىقتان بٸز تەڭگەگە شاققانداعى 1 اقش دوللارىنىڭ جىل سوڭىنداعى باعامى 550–560 تەڭگە دەڭگەيٸندە بولادى دەپ الدىڭعى بولجامىمىزدى ٶزگەرٸسسٸز قالدىرامىز", دەپ سٶزٸن تٷيٸندەيدٸ سالتانات يگەنبەكوۆا.
بۇعان دەيٸن تەڭگە باعامى ەلسٸرەپ, ۇلتتىق بانك ۆاليۋتا نارىعىنا قاتىستى مەلٸمدەمە جاساعان بولاتىن.
