Ақтау қаласындағы интеллектуалды мектептің оқушылары «Таза Қазақстан» экологиялық бағдарламасы аясында «Білім беру экожүйесі» атты жаңа жобаны бастады. Жоба экологиялық сауаттылықты арттыру және төменгі сынып оқушыларында табиғатқа деген қамқорлықты тәрбиелеуге бағытталған, – деп хабарлайды Dalanews.kz Мағғыстау облысы әкімінің баспасөз қызметіне сілтеме жасап.
Жобаның авторы Ырысжан Сансызбай негізгі мақсаты — қоршаған ортаны қорғау және оқушылар арасында экологиялық мәдениетті дамыту екенін атап өтті. Жоба экологиялық білімді күнделікті өмірге енгізуге және табиғатқа деген қамқорлықты бағдарлама аясында ғана емес, күнделікті әдетке айналдыруға бағытталған.
Балаларды ынталандыру мақсатында жоба «Сергек» жүйесін пайдаланады, мұнда айыппұлдар емес, оқушылар дұрыс әрекеттері үшін ұпайлар алады. Бет-әлпетті тану және қоқысты сұрыптау жүйенің жұмыс істеу принципі болып табылады. Камералардан алынған деректер мектептің электронды журналдары мен базасына жіберіліп, өңделіп, ұпайлар қойылады, бұл оқушыларды жоғары нәтижелерге қол жеткізуге ынталандырады, сонымен қатар экологиялық мәдениет бойынша да жетістіктерге жетуге септігін тигізеді.
Жоба аясында 2 «Ә» сыныбындағы оқушылар тәжірибелі педагог Ләззат Қалданның жетекшілігімен табиғатты қорғау және экологиялық тәрбие беру тақырыбында ашық сабақ өткізді. Сабақта оқушылар жер бетіндегі ластанудың себептерін және ауаның, судың ластануының қоршаған ортаға әсерін зерттеді. Олар тек ластанған ортадағы қоқыстарды тазалап қана қоймай, оны қайта өңдеу әдістерімен танысып, қоқысты дұрыс сұрыптауды үйренді. Сабақ соңында әр оқушы қоқысты сұрыптап, тиісті жәшіктерге салып, экологияны сақтау үшін ұпай жинап, бағаланды.
Ел бірлігіне бекемдеген Ордабасы ауданының 60 жылдық мерейтойы тойланды.
