Мемлекет басшысы Қасым-Жомарт Тоқаев Ұлттық қауіпсіздік комитеті жанынан Сыбайлас жемқорлыққа қарсы іс-қимыл жөніндегі жаңа қызметті құрды. Аталған бөлім парақорлықты тергеумен, қашқындарды іздеумен және шетелдік арнайы қызметтермен ынтымақтастықты түзумен айналысады, деп хабарлайды Dalanews.kz.
Қазақстанда сыбайлас жемқорлықпен күресетін тағы бір құрылым пайда болды. Президент Қасым-Жомарт Тоқаев ҚР Ұлттық қауіпсіздік комитетінің жанынан сыбайлас жемқорлыққа қарсы арнайы қызметтті құру туралы Жарлыққа қол қойды. Жаңа қызмет тек өкілеттіктерді ғана емес, сонымен қатар жеке заңды мәртебені, қызметкерлер құрамын және қаржыландыруды тікелей республикалық бюджеттен алады.
Оның басты мақсаты - барлық деңгейдегі сыбайлас жемқорларды, соның ішінде лауазымын, байланыстарын пайдалана бүркемеленетіндерді және шетелдік шоттарда жасырулы заңсыз ақшаларды аулау.
ҰҚК жаңа бөлімшесінің арсеналында мынандай маңызды құралдар бар:
- сотқа дейінгі тергеулер,
- жедел тыңшылық,
- дәлелдемелерді тәркілеу,
- қаржылық құжаттармен жұмыс істеу,
- банктерге сұрау салу,
- қажет болған жағдайда халықаралық ынтымақтастықты пайдалану.
Егер күдіктілердің бірі шетелге қашып кетсе, оларды іздеп, экстрадициялауға тырысып,кері қайтарумен де айналысады.
Қызмет жоспардан тыс тексерулер жүргізе алады, аудиторларды тарта алады, тендерлерді, мемлекеттік сатып алуларды және мемлекеттік органдар мен квазимемлекеттік сектордағы кез келген күдікті белсенділікті талдай алады.
Жарлыққа қол қойылған. Қызмет жаңадан құрыла бастады. Бұл еліміздің сыбайлас жемқорлыққа қарсы жаңа саясатының бір бөлігі, Тоқаев айтқандай, ол "қатаң, бірақ әділ" деген позицияны ұстанатын болады.
