Haval H6 тұсаукесері мини-мюзикл форматында өтті. Great Wall Motor Eurasia маркетинг жөніндегі директоры Кэрол Тян таныстырудың ерекше форматына қатысты былай деп пікір білдірді: «Әрине, техникалық параметрлер мен жүріс сипаттамалары – бұл болашақ көлік иесі ең бірінші кезекте назар аударатын жайт. Бірақ біз автокөліктің мінезін, біздің дизайнерлеріміз модельді әзірлеген кезде оған салған эмоциялар мен стильді де көрсеткіміз келді. Сондықтан тұсаукесерлеріміз үшін әрқашан жаңа форматтар іздейміз».

Өндіруші Haval H6 моделінің үшінші буынында оның сыртқы түріне де, техникалық жабдықталуына да көптеген елеулі жаңартулар енгізді.
Haval H6-ның басты артықшылығы оның «құрылымында» – модель жоғары технологиялы L.E.M.O.N. модульдік платформасында жасалған. Бұл платформа – концерннің үздік технологиялары біріккен Great Wall Motor бірегей әзірлемесі.
Айта кетсек, платформа халықаралық деңгейде жоғары бағаға ие болды: NCAP және IIHS (Жол қауіпсіздігінің сақтандыру институты) рейтингісінде 5 жұлдыз; нәтижесінде 2022 жылдың наурыз айында Haval H6 моделінің өзі де ANCAP атты Көлік құралдарының қауіпсіздігі жөніндегі Аустралияның тәуелсіз рейтингілік агенттігінен 5 жұлдызға ие болды.

Салон интерьері – минималистік әрі жоғары технологиялы. Android Auto және Apple CarPlay қолдайтын медиа-жүйелерді, алдыңғы әйнекке проекциялайтын виртуалды аспаптар тақтасын, сенсорлық басқару тақтасын және 8 динамигі мен кіріктірілген күшейткіші бар Digital Theater System аудиожүйесін айрықша атап өткен жөн.

Haval Motor Kazakhstan директоры Ақылбек Анарбаевтың айтуынша, «GWM концернінің портфелінде Haval H6 – шетелдік нарықтарда ең көп сатылатын модель! Қытайдың өзінде ол 10 жылға жуық уақыт бойы SUV сегментінде сатылым үздігі және қатарынан 6 жыл бойы National Hero Vehicle номинациясын иеленіп келеді. Жаңа H6 буынының көшбасшы жайғасымын сақтап қалатыны анық. Қазақстандық әуесқой автомобильшілерге осы көлікті ұсына алатынымызға қуаныштымыз!».

Автоорталықтарда үш жиынтықтама нұсқасының бірін таңдауға болады: Comfort, Premium және Tech Plus. Бағасы 12 990 000 теңгеден басталады.
Қосымша ақпаратты haval-motor.kz сайтынан ала аласыз.