Тина Канделаки Қазақстан Республикасы Сыртқы істер министрлігінің өкілі Айбек Смадияровты Ресейге шақырды, деп хабарлайды Dalanews.kz.

Ол СІМ өкіліне өзара құрмет пен тарихты қадірлеуге негізделген қарым-қатынас құруды ұсынды.

“Құрметті Айбек Серікбайұлы! Сіздің мен жайлы жазған хабарламаңызды оқыдым. Мен қарым-қатынасымызды жалғастырғым келеді және сізді осы мақсатта Ресейге шақырамын. Біздің халқымыз бен туған жерімізде ортақ нәрселер көп екеніне сенімдімін. Енді бұған толығырақ тоқталып өтсем. Әрине, әңгімені туған өлкем Мәскеуден, Абай Құнанбаевтың ескерткіші орналасқан Чистопрудный бульварынан бастауды жөн көрдім. Сіздерге ол жай Абай деген атпен танымал. Ал бізге — орыс тілі мен мәдениетін білу - әлемнің қазынасының кілті екенін айтқан адам ретінде танымал.  

Енді Мәскеу облысындағы, ғылыми элита қаласы Зеленоградқа көшейік. Оның тұжырымдамасын тағы бір атақты қазақ — сәулетші Тотан Күзембаев әзірледі. Ресейде ол сәулет өнерінің алғашқыларының бірі ретінде танымал. Оның жұмысы “Никола-Ленивце” фильмінде тұр. Сәулетшінің жобалаған үйлері әртүрлі елдерде бар. Бұл орыс мәдениетіне енген таланттың дәлелі емес пе? Биылғы жазда Щусев атындағы сәулет мұражайында көрме осы кісіге арналды. Сонымен қатар Мәскеуде ең танымал әртістердің қатарында Азамат Мұсағалиев пен Нұрлан Сабуров секілді қазақтардың бар екенін айта кету қажет”,- деді Тина Канделаки.

Осылайша тележүргізуші Ресей мен Қазақстан арасында әдемі естеліктер бар екенін және оны еске алуға шақырды.