Түркістанда ерекше жандарға қолдау көрсетіліп жатыр. Қалалық жұмыспен қамту және әлеуметтік бағдарламалар бөлімінің басшысы Эльмира Бейсенова статистика ұсынды, деп хабарлайды Dalanews.kz
Спикердің айтуынша, жыл басынан бері ерекше қажеттілігі бар азаматтардың 45,5%-ы оңалтудың жеке бағдарламасымен қамтылған.
Түркістанда 11 802 мүмкіндігі шектеулі жан тіркелсе, олардың ішінде:
- 1637-сі – 18 жасқа дейінгі балалар;
- 989-ы – I топтағы жандар;
- 5101-і – II топтағы азаматтар;
- 4075-і – III топтағы жандар.
Эльмира Бейсенова жыл басынан бері 4616 өтініш қабылданып, оның 2096-сы орындалғанын айтты.
2025 жылдың алғашқы екі айында:
- 174 азамат протез-ортопедиялық көмекке ие болды;
- 28 жан сурдотехникалық құралдармен қамтылды;
- 74 адам тифлотехникалық жабдықтарға қол жеткізді;
- 130 азаматқа арнайы жүріп-тұру құралдары берілді;
- 200 жан санаторлық-курорттық емге жолдама алды;
- 257 тұрғынға жеке көмекші қызметі көрсетілді;
- 137 азаматқа ымдау тілі маманының көмегі ұсынылды;
- 1096 адам гигиеналық құралдармен қамтамасыз етілді.
Арнаулы әлеуметтік қызметтер аясында 211 мұқтаж азаматқа көмек көрсетілді, оның ішінде:
- 37 – жалғызбасты қарттар мен мүмкіндігі шектеулі жандар;
- 124 – психоневрологиялық аурулары бар балалар;
- 50 – тірек-қимыл аппараты бұзылған бала әлеуметтік қолдау алды.
