Бүгінгі таңда бір жерден екі өнім алатын 154 шаруашылықтың тізімі жасалынып, жалпы көлемі 265,33 гектар жерге қызанақ, қияр, жүгері, ноқат, сарымсақ, картоп егіліп, мол өнім алуды көздеп отыр. Аудандық ауыл шарушылығы бөлімі мамандарының болжамына сәйкес, алғашқы өнім 1721,3 тонна, ал екнші өнім көлемін 4358,0 тоннаға жуықтайтынын айтып отыр.
Түлкібас ауданында ауыл шаруашылығы және жаппай кәсіпкерлікті дамыту бағытында ауқымды жұмыстар іске асып жатыр. Қазіргі таңда аудан әкімдігінің тиісті дербес бөлімдері мен кент, ауылдық округ мамандары тарапынан өз кәсібін ашуға қызығушылық білдірген тұрғындарға жан-жақты қолдаулар күшейтілген. Сонымен қатар, суармалы жерлерді ұлғайту мақсатында да жүйелі шаралар іске асуда.
