Жаһанды жайлаған экономикалық сын-қатерлерге қарамастан Қазақстан мен Қытай сауда-экономикалық байланыстары айтарлықтай дамып келеді. Қазақстан Президенті Қасым-Жомарт Тоқаев қытайлық China Daily басылымында жарияланған «Қазақстан мен Қытайдың берік әрі сенімді қарым-қатынасы - табысты ынтымақтастықтың кепілі» атты мақаласында осылай деді, деп хабарлайды Dalanews.kz.
Жаһанды жайлаған экономикалық сын-қатерлерге қарамастан елдеріміздің сауда-экономикалық байланыстары айтарлықтай дамып келеді. 2024 жылы екіжақты сауда-саттық көлемі 44 миллиард долларға жетті.
"Бұл – тарихи меже. Осылайша, Қытай Қазақстанның ең ірі сауда-экономикалық серіктесі ретінде позициясын күшейтті. 2005 жылдан бері қытайлық кәсіпорындар Қазақстанға 27 миллиард доллардан астам инвестиция құйды. Бүгінгі таңда қытай капиталының үлесі бар алты мыңға жуық компания жұмыс істейді. Олар еліміздің технологиялық тұрғыдан дамуына ықпал етіп, өнеркәсіпті жаңғырту ісінде маңызды рөл атқарады", - дейді президент.
Мемлекет басшысы Қазақстан мен Қытай – Ұлы Жібек Жолы заманынан бері бір-бірімен біте қайнасқан тағдырлас елдер екенін атап өтті.
"Қазір біз осы тамырластықтың негізінде жаңа күре жолдар салуға кірістік. Президент Си Цзиньпиннің алғаш рет 2013 жылы Астанада жариялаған «Бір белдеу, бір жол» бастамасы тарихи ықпалдастықтың жарқын мысалы саналады", - дейді президент.
