Алматы қаласының тергеу соты Серік Қонақбаевқа қарсы рейдерлік ісін қайта тергеуден бас тартты, деп хабарлайды Dalanews.kz Orda.kz-ке сілтеме жасап.
2022 жылдан бері кәсіпкер Икрам Абдукаримов өзінің өгей әкесі – бұрынғы депутат, республикаға танымал боксшы әрі мінсіз беделге ие Серік Қонақбаевтың оның мүлкін тартып алғанын дәлелдеуге тырысып келеді.
2021 жылдың соңында, Абдукаримов отбасылық мұнай бизнесін басқарып жүргенде, Қонақбаев Икрам жасады делінген ұрлық бойынша қылмыстық іс қозғауға мұрындық болған. Кейінірек іс жабылғанымен, Абдукаримовтың беделіне қатты нұқсан келді, ал оған тиесілі бизнесті өгей әкесі иемденіп алған.
«Сонымен қатар Қонақбаев маған қылмыстық қудалау арқылы бостандықтан айырумен қорқытты. Ол мені “ZST-Qazaqstan” ЖШС-дегі 33 пайыздық үлесімді өз атына жазуға мәжбүрледі», — дейді Икрам.
2023 жылдың желтоқсанында ол Қонақбаевқа қарсы рейдерлік фактісі бойынша қылмыстық іс қозғауға тырысқан.
«Алайда мен жүгінген Қаржы мониторингі агенттігі бұл істі 2024 жылдың ақпан айында ойдан шығарылған себептермен тоқтатты. Ал Алматы прокуроры істің заңсыз тоқтатылуын мақұлдады», — деп толықтырды кәсіпкер.
