Карантин және төтенше жағдай кезінде «Сергек» жүйесі күшейтілген режимде жұмыс істеуде. Тексеру жүргізушілерге қатысты жасалады.
«Сергек-патруль» базасына автокөлік тоқтаған кезде полицейлер жүргізуші мен көліктің деректерін: ЖСН, көліктің мемлекеттік нөмірі және жүргізушінің нақты тұрғылықты жері мен жұмыс орнын енгізеді.
Негізсіз қалаға шыққан тәртіп бұзушылар алғашында ескерту алады.
Екінші мәрте тәртіп бұзған жағдайда 10 АЕК айыппұлдан 15 тәулікке дейін әкімшілік қамауға алынуы мүмкін.
«Қайта тексеру кезінде, егер ақпараттық базаның мәліметтеріне сәйкес, азық-түлік пен дәрі-дәрмектер алудан басқа мақсатта, маршрутты негізсіз бұзғаны анықталса, жүргізуші ҚР ӘҚБК 476 бабы («Төтенше жағдай режимін бұзу») бойынша әкімшілік жауапкершілікке тартылады», –делінген Мемкомиссияның шұғыл штабы таратқан хабарламада.
Қазіргі уақытта базада ТЖ кезіндегі құқық бұзушылықтар есептелуде. Күн сайын «жұмыс – үй» қағидаты бойынша автокөлік жүргізушілерінің деректері енгізіледі. ТЖ режимі мен карантин тәртібін бұзғаны үшін айыппұлдар бүгінгі күні өзекті.
Нұр-Сұлтан қаласы бойынша барлығы 13 000 «Сергек» камерасы бар. Ол күніне 12 млн-нан астам оқиғаны өңдеуге мүмкіндік береді.
