Осы орайда барша «Самұрық-Қазына» АҚ компаниялар тобының атынан қайырымдылық қызметімен айналысатын «Samruk-Kazyna Trust» қоры Атырауда басталып, Жаңаөзенде жалғасын тапқан баспасөз турын Ақтау қаласында аяқтады.
Бүгін тиісті шараларға қатысушылар облыс орталығындағы барлық әлеуметтік басым бағытта іске асырылған нысандар жұмысымен танысты. Оның ішінде «Қамқорлық» оңалту және ерте араласу орталықтары ашылды.
Жалпы, 2016 жылдан бастап, Маңғыстау облысында «Samruk-Kazyna Trust» қорының қолдауымен 4,2 миллиард теңгеден астам сомаға 42 әлеуметтік жоба іске асырылды. Биыл ғана өңірде 1,8 млрд теңге сомаға 8 жоба мақұлданды.
Сонымен, бүгінгі баспасөз туры барысында, облыстық көпсалалы балалар ауруханасы аясында бірден екі «Қамқорлық» балалар емдеу мекемесінің – ерте араласу мен оңалту орталықтарының салтанатты ашылуы өтті. Жобаның мақсаты – церебральды сал ауруы мен нейро-ортопедиялық бұзылулар диагнозы қойылған балаларды заманауи және сапалы оңалтуға қажетті жағдай жасау. Әр орталық жылына 600 баланы тегін қабылдай алады. Бұл оңалтудан орталықтарына қабылдану учаскелік педиатрдың жолдамасын алу қажет. Жоба бюджеті 261,5 млн теңгені құрады.
– Бұрын Ақтауда оңалту орталығы болмаған, біз Алматы мен Астанаға барып емделіп жүрдік. Енді қаламыздағы «Қамқорлық» орталығына келіп ем алып жүргенімізге өте қуаныштымыз. Баламның жасы қазір алтыда, оның көрсетіп жатқан нәтижелері мені қатты қуантуда. «Самұрық-Қазына» демеушілігінің және оңалту орталығының ашылуының арқасында мектепке уақытында барамыз деген ойдамын, – деді Ақтау қаласының тұрғыны Кәмшәт Ешниязова.
– Біз Астанадан келген мамандардан білім алдық, Қор заманауи жабдықтар сатып алып, қызметкерлердің жұмысы мен науқастарды емдеуде барлық жағдайды жасауда. Бүгіннен бастап балалар ем алуға келе бастады, оларға қазір қабылдау кестелері дайындалуда. Біз өз тарапымыздан балаларға жан-жақты көмек көрсету үшін бар күшімізді саламыз. Ерекше балалары бар көптеген отбасыларға өз отанынан қажетті мамандардың қызметтерін алуға мүмкіндік бергені үшін демеушілерге алғысымыз шексіз, – деді «Қамқорлық» оңалту орталығының аға медбикесі Гүлшат Досымбаева.
Осы жылдың тамыз айында Маңғыстау облыстық перинаталдық орталығы «Самұрық-Қазына» АҚ компаниялар тобынан заманауи гипотермия аппараты мен энцефалография мониторын алды. Орталық директоры Жапырақ Епенова аталмыш уақыт ішінде аппарат бес жаңа туған нәрестенің өмірі мен денсаулығын сақтап қалғанын айтады. Үстіміздегі жылы гипотермия жабдықтарын Шымкент, Орал, Талдықорған, Өскемен қалаларының перинаталдық орталықтары да иеленді. Жобаның жалпы құны 132 миллион теңгені құрады.
«Саламатты Болашақ» жобасын қолдау арқылы Қазақстан бойынша жаппай ерекше қажеттіліктері бар балаларға арналған бейімделген спорт секцияларын ашу жалғасуда. Ақтауда кәсіби жаттықтырушылар 28 ерекше балаға жаңа паралимпиадалық спорт түрі – боччаны үйретуде. Керек құрал-жабдық пен жаттықтырушылардың жұмысына 2,9 млн теңге қаражат бөлінді. Атап өткен жөн, жоба аясында келесі жылы осы спорт түрінен алғашқы жарыстарды өткізу жоспарлануда.
– Бүгін біз Маңғыстау облысында «Самұрық-Қазына» АҚ қолдауымен жүзеге асырылып жатқан бірқатар нысандарды көрдік. Ақтау үшін көптен күткен іс-шараның бірі – «Қамқорлық» оңалту орталығының ашылуы болды. Енді мұнда ерекше қарауды қажет ететін балалар емделіп, оңалтудан өте алады. Қордың көптеген бастамалары Мемлекет басшысының заманауи инклюзивті қоғам құру және заманауи медицинаны дамыту туралы тапсырмаларына ілесіп келеді, – деп алған әсерімен бөлісті облыстық мәслихат депутаты Людмила Меңдіғалиева.
– Ерекше қажеттіліктері бар балаларға арналған Оңалту орталықтары мен спорт секцияларын ашу – бұл ертеректе елордаға барып емделуге мәжбүр болған балалар мен олардың ата-аналары үшін үлкен көмек. Сондай-ақ, Маңғыстау облысында өте керек гипотермия аппараты үшін алғысымызды айтамыз. Осындай маңызды жобаларды жүзеге асырып отырған «Самұрық-Қазына», «AYALA» және «Қамқорлық» қорларына үлкен рахмет. Алдағы уақытта да серіктестігіміз жалғасын таба берсін! – деп тілегін білдірді Маңғыстау облысы Денсаулық сақтау басқармасының басшысы Аманбек Жұмыров.
Үкіметтік емес ұйым өкілдерінің қайырымдылық қызметін қаржыландыру туралы өтінімдерін қарау кезінде инклюзивті жобаларды қолдауға басымдық беріледі. Қоғамда инклюзия институтының дамуы - барлық адамның денсаулық жағдайына, тұрмыстық жай-күйіне немесе басқа да айырмашылықтарына қарамастан білім алуға, жұмысқа орналасуға, спорт секцияларына, мәдени іс-шараларға және өзге де бағыттарға тең қол жеткізуге жол ашады.
Үш күннің ішінде жи
налған жұртшылық Атырау және Маңғыстау облыстарындағы «Самұрық-Қазына» АҚ қаржылық қолдауымен іске асырылған 13 әлеуметтік сала нысанын аралады. Мақсат - Қор қызметінің ашықтығын арттыру және өңірлерде жұмыс істейтін әлеуметтік жобаларды таныстыру болды.
«Samruk-Kazyna Trust» қоры «Самұрық-Қазына» АҚ компаниялар тобының бірыңғай қайырымдылық операторы болып табылады және бүкіл ел бойынша әлеуметтік жобаларды жүзеге асырады. Жобалардың бастамашылары портфельдік компаниялар мен үкіметтік емес ұйым өкілдері болып табылады.
