"ҚазАвтоЖол" ұлттық компаниясы бірнеше өңірде филиал директорын тағайындады, - деп хабарлайды Dalanews.kz.
"ҚазАвтоЖол" ҰК" АҚ басқарма төрағасының бұйрығымен:
- Ербол Пірімбетов Түркістан облыстық филиалының директоры лауазымына тағайындалды. Осы уақытқа дейін "ҚазАвтоЖол" ҰК" АҚ пайдалану департаменті директорының қызметін атқарды.
- Думан Қалабиев Қарағанды облыстық филиалының директоры лауазымына тағайындалды. Осы уақытқа дейін "ҚазАвтоЖол" ҰК" АҚ Ақмола облыстық филиалының директор орынбасары қызметін атқарды.
- Ерлан Жұмағұлов "ҚазАвтоЖол" ҰК" АҚ пайдалану департаментінің директоры лауазымына тағайындалды. Осы уақытқа дейін Қарағанды облыстық филиалының директоры қызметін атқарды.
