Қазақтелеком тұрғындарды жоғары жылдамдықты интернетпен қамтамасыз ету үшін ауылдық елді мекендерде желі құрылысын жалғастыруда. Телеком-оператор Қостанай облысының шалғайдағы Амангелді ауылында сымсыз желі салды, деп хабарлайды Dalanews.kz.
Аудан орталығы – Амангелді ауылы, облыс орталығынан 400 шақырым жерде орналасқан. Өткен көктемде елді мекен, жақын маңдағы басқа ауылдар сияқты, еріген су астында қалды. Содан кейін Екідин, Қызыл Жұлдыз және Қолқамыс ауылдарындағы табиғи апат салдарынан толық оқшауланған. Қазақтелеком қызметкерлері байланысты қалпына келтіру бойынша жедел шаралар қабылдады, сондай-ақ тұрғындарды эвакуациялауға көмек көрсетті. Жазда су тасқынынан зардап шеккендер үшін Амангелді ауылында 18 жаңа үй салынды. Бүгін, қиын күндер артта қалғанда, ауыл тұрғындары жаңа тұрғын үйлерге орналасып, қоныс тойын ұйымдастырды, ал компания үйлерді жылдам интернетке қосты.
«Амангелді ауылында біз инфрақұрылымды жаңғыртып, «радио көпір» технологиясы бойынша деректер беру торабын ұйымдастырдық. Нәтижесінде сымсыз интернет сигналы Амангелді ауылының тұрғындарына ғана емес, жақын маңдағы Есір елді мекенінің ауыл тұрғындарына да қолжетімді. Бұдан басқа, бұл жаңғырту интернет қызметтерін пайдаланушыларды мыс желілері арқылы жоғары жылдамдықты сымсыз қолжетімділікке ауыстыруға мүмкіндік береді», – деп атап өтті «Қазақтелеком» АҚ Қостанай ОДС ДЭСД директоры Сәкен Ысқақов.
Амангелді ауылының тұрғыны Қызжібек Молдашева мен оның отбасы су тасқынына дейін Қазақтелекомның қызметтерін пайдаланған. Жаңа үйге көшкеннен кейін, олар соңғы уақытқа дейін тұрақсыз мобильді интернетті қолданды. Қызжібектің айтуынша, бірнеше құрылғыны қосу немесе көлемді файлдарды жүктеу мүмкін емес еді.
«Қазақтелеком бізге компанияның қызметтеріне қосылу мүмкіндігін берген кезде бірден өтінім бердік. Қазір кешке отбасы бірнеше гаджетті бір уақытта қосады, жылдамдық жеткілікті. Жақсы және сапалы жұмыс үшін мамандарға алғыс айтамыз», – дейді Амангелді ауылының тұрғыны Қызжібек Молдашева.
«Радио көпір» арқылы интернет желісіне сымсыз қол жеткізу – бұл оптикалық желіні салудың балама шешімі екенін ескеріңіз. Бүгінгі таңда Қостанай облысында осы технология бойынша 20 ауылдың тұрғындарына жылдам интернет ұсынылады.
