Бүгін Маңғыстау облысы бойынша «Мемлекеттік әлеуметтік сақтандыру қоры» АҚ-ы филиалының директоры Нұрсұлу Қонбаева қаңтардан бастап мемлекеттік әлеуметтік сақтандырудың жәрдемақы мөлшері өскенін мәлімдеді, – деп хабарлайды Dalanews.kz Маңғыстау облысының қоғамдық коммуникация орталығына сілтеме жасап.

– 2021 жылдан бастап жәрдемақылар мен төлемдердің мөлшері күнкөріс деңгейінің өсуіне пропорционалды түрде өсті. Сонымен қатар, жұмыссыз ретінде тіркелген адамдар соңғы 2 жылда жұмыс берушілерден түскен әлеуметтік аударымдарға байланысты МӘСҚ-дан жұмысынан айырылуы жағдайына әлеуметтік төлемдер алады.

Былтырғы жылы азаматтарымыз жұмыссыз ретінде  электронды тіркелуге және электрондық еңбек биржасы (www.enbek.kz) порталы арқылы әлеуметтік төлем тағайындауға өтініш беруге мүмкіндік алды. Ал былтыр Маңғыстау облысында МӘСҚ-дан 52 211 алушыға жалпы сомасы 16 238 млн теңге әлеуметтік төлемдер жүргізілді. Міндетті әлеуметтік сақтандыру жүйесі жөніндегі барлық қосымша сұрақтар бойынша www.gfss.kz.  сайтынан білуге болады, – деді Нұрсұлу Қонбаева.