Қазақстан Президенті Қасым-Жомарт Тоқаев Қазақстан Республикасының Ұлттық қауіпсіздік комитетінде кадрлық өзгерістер жүргізді деп хабарлайды Dalanews.kz. Ақорданың баспасөз қызметіне сілтеме жасап.

Мемлекет басшысының өкімімен Ирменов Марат Ғатаұллаұлы Ұлттық қауіпсіздік комитеті Төрағасының орынбасары лауазымына тағайындалды.

Тағы бір Мемлекет басшысының өкімімен Далматов Қанатай Жорабекұлы Ұлттық қауіпсіздік комитеті Төрағасының орынбасары лауазымынан босатылды.

2022 жылғы қаңтар айында Марат Ирменов Алматы қаласы бойынша ҰҚК департаментінің бастығы болып тағайындалды. Бұған дейін, 2020 жылдың ақпан айынан бастап, ол Қордай ауданындағы тәртіпсіздіктерден кейін Жамбыл облысы бойынша ҰҚК департаментінің бастығы қызметін атқарған.

2016 жылдан 2020 жылға дейін Ақтөбе облысы бойынша ҰҚК департаментінің бастығы болды. Одан бұрын Ирменов Алматы қаласы бойынша ҰҚК департаменті бастығының бірінші орынбасары қызметін атқарған.

Қанатай Жорабекұлы Далматов 2024 жылдың қазан айынан бері ҰҚК төрағасының орынбасары лауазымында болды.

Бұған дейін ол 2023–2024 жылдары Қазақстан Қарулы Күштерінің Бас барлау басқармасының (БББ) бастығы қызметін атқарған. 2000–2023 жылдары ұлттық қауіпсіздік органдарында және Шекара қызметінде жедел және басшылық лауазымдарда қызмет еткен.