Ауданда бір ғана «Сыбаға» бағдарламасы бойынша ірі қара малдың 947 аналық басын тұқымдық түрлендіру жоспары – 1971 басқа жетіп, межеленген жоспар 208,1%-ға артығымен орындалған. Осылайша ордабасылық шаруалар мал басын асылдандыруға ерекше ден қойып отырғаны көңіл қуантады. Асыл тұқымды малдар мал шаруашылығы саласының өнімділігін арттыруға септесетіні айтпасада түсінікті.
Ал «Алтын асық» бағдарламасы бойынша – 4950 бас уақ малды асыл тұқымдандырумен қамту жоспары – 6804 басты құрап, бұл бағыт бойынша да жоспар 137%-ға артығымен орындалғанын байқауға болады. Сол сияқты
«Құлан» бағдарламасы бойынша тұқымдық түрлендірумен қамтылған жылқының санын – 431 басқа жеткізу жоспарланып, орындалғаны – 433 бас немесе 100,7% орындалды. Осы бір статистикалық көрсеткіштерден Ордабасы ауданында мал басын асылдандыру ісі қарқынды жүріп жатқанын бағамдауға болады.
Dalanews.kz
