17 ақпанда Ұлттық қауіпсіздік комитеті Ақтөбе, Атырау, Шығыс Қазақстан, Жамбыл, Батыс Қазақстан, Түркістан, Жетісу облыстары және Шымкент қаласында 8 топты әшкереледі, - деп хабарлайды Dalanews.kz.

Олардың ортасында деструктивті діни ағым жақтастары бар 23 адам ұсталды.

ҰҚК

17 адам уақытша ұстау изоляторына қамалды, ал 6 адамға келу туралы міндеттеме қолданылды.

"Олар ауыр және аса ауыр қылмыстарға, соның ішінде терроризмді насихаттау, адамдарды ұрлау, қорқытып алу, сондай-ақ, есірткі заттары мен атыс қаруының заңсыз айналымына қатысы бар деген күдікке ілінді", - деп жазылған ҰҚК мәліметінде.

Олар құқыққа қарсы әрекеттерін теріс бұрмаланған діни қағидалармен ақтап жүрген.

Тінту барысында атыс қаруы, оқ-дәрілер, діни әдебиеттер, қаражат және есірткілер тәркіленді.