Күрдістан жұмысшы партиясы Түркиядан қарулы күштерін әкетіп жатыр, деп хабарлайды Dalanews.kz.
Күрдістан жұмысшы партиясы (КЖП) өз жасақтарын Түркия аумағынан Ирактың солтүстігіне әкету туралы шешім қабылдады, деп хабарлайды Anadolu. Бұл шешім партия жетекшісі Абдулла Оджаланның нұсқауымен және қарулы қақтығыстарды тоқтату бағыты аясында қабылданған.
Түрік билігінің пікірі
Түркияның билеуші партиясының өкілі Өмер Челик бұл қадамды «Терроризмсіз Түркия» бағдарламасының бір бөлігі деп атап, мүмкін болатын арандатушылықтарға байланысты сақтық танытуға шақырды.
Партияның өз-өзін таратуы
Мамыр айында Иракта өткен съезде КЖП ресми түрде өзін-өзі таратып, қарулы күрестен бас тартатынын жариялаған еді. Бұл шешім ақпанда Абдулла Оджаланның қаруды тастауға шақырған үндеуінен кейін қабылданды.
