Талдықорған қаласында көптен күткен 55 отбасы пәтер кілтін қолдарына алды. Жаңа қоныс иелерін осындай айтулы оқиғамен Алматы облысы әкімінің бірінші орынбасары Ләззат Тұрлашов құттықтады.
– Мемлекеттік бағдарламаларды табысты іске асырудың арқасында біздің тәуелсіз мемлекетімізде экономика нығайып, Инфрақұрылым жақсаруда, облыстың қалалары мен ауылдарының өмір сүру деңгейі мен келбетін едәуір жақсартатын жаңа әлеуметтік және мәдени нысандар пайда болуда.155 коттедждің құрылысына жергілікті бюджеттен 1,5 миллиард теңге бөлінді, ал 55 пәтерді бүгін, Астана күніне орай береміз. Баршаңызды мерекемен және қоныс тойымен шын жүректен құттықтаймын, – деді ол.
«Көктем» шағын ауданында бес қабатты үй «Нұрлы жер» бағдарламасын жүзеге асыру аясында салынды. Үйдегі пәтерлердің жалпы саны – 55, оның ішінде 15 – бір бөлмелі, 15 – екі бөлмелі, 20 –үш бөлмелі, 5 – төрт бөлмелі. Тұрғын үй құрылыс жинақ банкінің салымшылары «Шаңырақ» бағдарламасы бойынша пәтерлерге ие болды.
– Міне, көптен күткен күн келді. Мен тіпті күткен жоқпын. Бүгін біз өзіміздің екі бөлмелі пәтерімізге ие болдық. Біз бұл сәтті ұзақ күттік. Баршаңызды Астана күнімен құттықтаймыз. Бұл үй біз үшін, Қазақстан Тәуелсіздігінің 30 жылдығына арналған ең үздік сыйлық деп санаймын, – деді Мұратбек Балтабеков.
Сондай-ақ, Астана күнін мерекелеу қарсаңында Еңбекшіқазақ ауданының Есік қаласында 30 отбасы пәтер кілттеріне ие болды. Пәтер иелері қатарында жетім балалар, мүмкіндігі шектеулі жандар және халықтың әлеуметтік осал топтарының өкілдері бар. Екінші шағын ауданда орналасқан Жаңа 30 пәтерлі үй «Нұрлы жер» мемлекеттік бағдарламасы бойынша салынды. Тұрғын үй жанында барлық әлеуметтік қажетті нысандар бар.
Сондай-ақ, қапшағайлық 50 отбасыда қуанышқа кенеліп, үйлі болды. Сонымен қатар, Өтеген батыр ауылында 60 пәтерлі көп қабатты тұрғын үй пайдалануға берілді. Үйдің жанында балалар алаңы салынып, тұрғындар үшін барлық жағдай жасалған.
Тәуелсіздіктің 30 жылдығын мерекелеу жылы тағы да көптен күткен қуаныш – Жамбыл ауданында дәрігерлік амбулаторияның пайдалануға берілуі, Іле ауданында мектептің және Текелі қаласында қонақ үй кешенінің ашылуы болды.
Екі заманауи амбулатория Елорда күні қарсаңында Жамбыл ауданында есігін айқара ашты. Енді Үңгіртас және Қарасу ауылдарының тұрғындарына ең жақсы медициналық қызметтер қол жетімді болады. Үңгіртас ауылының емханасында 58 ем-дом бөлмесі бар. Олардың арасында ересектер мен балаларға арналған қабылдау бөлмесі, стоматолог, гинеколог, терапевт кабинеті, зертхана, таңу, фельдшерлік, акушерлік пункттер және күндізгі стационар бар.
– Жаңа аурухана заманауи медициналық жабдықтармен жабдықталған. Мекеме уақыттың барлық талаптарына сәйкес келеді. Ауысымға 35 адамға дейін қабылдау мүмкіндігі бар, барлығы ауылдық округте 4590 тұрғын бар. Ұжым 12 қызметкерден тұрады. Біздің аурухананың дәрігерлері мен медбикелері адамдарға лайықты көмек көрсетеді деп сенемін, – деді амбулатория меңгерушісі Бағлан Тобажанов.
Сонымен қатар, Ащыбұлақ ауылдық округінде Елорда күніне орай 650 орындық «Montessori akademy» жекеменшік мектебі ашылды.
Салтанатты шараға аудан әкімі Бағдат Қарасаев қатысты. Бұл ауданда ашылатын жетінші мектеп. Информатика, әдебиет, музыка кабинеттері, би залы және спорт залы бар. Мектепішілік өнерді дамыту басты мақсат болғандықтан, суретшілерге арналған жеке бөлме бар.
Айта кетейік, бұл оқу орнында балалар Монтессори әдістемесі бойынша білім алатын болады.
– Қазақстан Республикасы Тәуелсіздігінің 30 жылдығын мерекелеу аясында Текелі қаласында Жоңғар Алатауының баурайында орналасқан жаңа «VUSLAT» қонақ үй кешенінің лентасы қиылды.
Қонақ үйде жайлы демалыс өткізу мүмкіндігімен қатар «VUSLAT» тұжырымдамасына экотуризм қағидалары да енгізілген. Туристер үшін Қазақстанның ең биік сарқырамасы – Бұрхан-бұлаққа шығу және жаяу жүру маршруттары қарастырылған. Қыста шаңғы базасына бару мүмкіндігі бар. Қонақ үй кешенінің құрылысына 200 млн теңге инвестиция тартылып, 12 тұрақты жұмыс орны ашылды.
