Бұған дейін үш ауысымда білім беріп келген Жаңаауыл ауылдық округіндегі Ынтымақ ауылында орналасқан Тұрар Рысқұлов атындағы жалпы орта мектебіне ат басын бұрды.
Биылғы оқу жылында пайдалануға берілген 600 орындық жаңа мектеп сыңғырлап тұр. Заманауи талапқа сай жабдықталған жаңа мектепте білімгерлердің сапалы білім, саналы тәрбие алуына барлық жағдай жасалған. Компьютер сыныптары, зерттеу жүргізуге толық мүмкіндік беретін барлық құрал жабдықпен жабдықталған химия, биология кабинеттері бар.
Өңір басшысы облыстың шалғай шетінде орналасқан ауданда ашылған мектептің қала мектептерінен еш кем еместігіне көз жеткізді.
Заманауи талапқа сай салынған, сәулетті сыныптардарды аралап көрді. Шәкірттермен тілдесіп, олардың сабақтарын үздік оқып, еліміздің кемел келешегі үшін аянбайтын үлгілі азаматтары болуға шақырды. Еліміздің ертеңі саналар жас өскіндердің қандай мамандық иесі болғылары келетіндіктерін де сұрауды естен шығармады.
ЖансейітТүймебаев, облыс әкімі: «Әр сыныпта 5-6 топтан бар екен. Бұл демографиялық жағдайдың жақсы екендігінің көрсеткіші. Аудан мақта шаруашылығына бейімделгендіктен алдағы уақытта орта арнаулы оқу орындарында аталмыш шаруашылыққа қажетті маман даярлайтын бөлімдер ашу қажет. Бұл өз кезегінде маман тапшылығын жояды».
