Алматы облысы әкімі Амандық Баталовтың айтуынша, тек бір ғана Алакөл ауданының өзінде 20 мың басқа арналған жылқы шаруашылығы фермасы және төрт мың тонналық «Қайыңды» ет комбинаты салынған.
Ал Райымбек ауданында «Қаз Мясо» компаниясы мәрмәр етін өндіру үшін алты мың бас ірі қараға арналған бордақылау алаңын құрды.
Сондай-ақ иран компаниясымен бірлесіп жылына сегіз мың тоннаға дейін ет өңдей алатын «Империя Фуд» ет комбинаты пайдалануға берілгені белгілі.
– Қабылданған осындай шаралардың нәтижесінде ет өнімдерін шығару облыста 24 процентке артты, алты мың тоннадан астам мал мен құс еті экспортталды, – деп атап өтті А. Баталов.
