Батыс Қазақстан облысы Сырым ауданының прокурорлары пайдаланылмай жатқан ауыл шаруашылығы мақсатындағы 5 мың гектардан астам жерді мемлекет меншігіне қайтарды. Қайтарылған жердің кадастрлық құны 38 млн теңгеден асады, деп хабарлайды Dalanews.kz.
Ведомствоның мәліметінше, аудан аумағындағы жер пайдаланушылар аталған учаскелерді ұзақ уақыт бойы мақсатқа сай пайдаланбаған. Осыған байланысты прокурорлық қадағалау актілері бойынша жер мемлекет меншігіне өтті. Қазіргі уақытта бұл аумақтар заңды экономикалық айналымға енгізіліп жатыр.
Президент Жолдауында айтылған тапсырмаға сәйкес, қайтарылған жерлер ауылдық жерлерде тұратын адал жер пайдаланушыларға берілмек.
Бұған дейін Ұлытау облысының прокуратурасы да пайдаланылмай жатқан 90 мың гектар жерді мемлекетке қайтарған болатын.
