Астанада ауқымды экологиялық акцияны өткізу барысында тұрғындар ұжыммен тазалауға белсенді қатысқан үздік аулалар анықталды, деп хабарлайды Dalanews.kz елорда әкімдігінің ресми сайтына сілтеме жасап.
Сарыарқа ауданында Тілендиев көшесі, 41/1-үй тұрғындарының "Үздік аула" грамотасымен марапатталды.
Нұра ауданында 5 аула үздік атанды, олар: “Мадрид” ТК, “Ситилейк” ТК, “Жағалау” ТК 4, “Копенгаген” ТК, “Мечта” ТК.
Есіл ауданында Ұлы дала даңғылы бойындағы, 54-үйдің ауласы, "EXPO Plaza-a” ТК МИБ, Қабанбай батыр даңғылы, 40-үй бойынша"Инфинити-1" МИБ, Сауран көшесі, 5 үй бойындағы "Сауран 5" МИБ "Үздік аула" атағын жеңіп алды.
Байқоңыр ауданында "Үздік аула" атағына "Сезам" ПИК (Кенесары көшесі, 51), "Кампус-2021" МИБ (Жұбанов көшесі, 10А) және "Тұлпар" ПИК (Пушкин көшесі, 7) ие болды.
"Үздік аула" атағы Алматы ауданы бойынша "Тұрсын Астана" ТК тұрғындарына берілді. Акцияны өткізу барысында осы аулада ауланың кішкентай патриоттары үшін қызықты ойындар мен конкурстармен аниматорлардың қойылымдары ұйымдастырылды.
Тұрғындар жақсы атмосфераны ұйымдастырып қана қоймай, бірлесіп палау да дайындады. 5 ауданда экоакция барысында осы округтерден қалалық мәслихат депутаттары да қатысты.
Естеріңізге сала кетейік, Астанада 13 сәуірден бері "Таза Қазақстан. Астана – тазалық пен тәртіптің үлгісі" ауқымды экологиялық акция басталды. Оған қала тұрғындары, еңбек ұжымдары, мемлекеттік органдардың қызметкерлері, шағын және орта бизнес субъектілері (базарлар, сауда-ойын-сауық орталықтары, кафелер, мейрамханалар және басқалар), еріктілер, оқушылар мен студенттер, МИБ (ПИК) және басқалар қатысуда.
Экологиялық акция бес апта бойы жалғасады және белгілі бір тақырыпқа арналады. Ағымдағы апта "Таза өлке" деген атпен өтуде.
