Астанада әйелін ұрды деген айыппен бұрынғы дипломат Сәкен Мамаш қамауға алынды, – деп хабарлайды Dalanews.kz.
Полиция пікірі
Қазақстанның Біріккен Араб Әмірліктеріндегі елшісінің бұрынғы кеңесшісі Сәкен Мамаш төңірегіндегі дау әлі бітпеген. Полиция оның қамауға алынғанын растап, осыған байланысты тергеу жүргізу үшін арнайы жедел тергеу бөлімшесі құрылғанын мәлімдеді.
Құқық қорғау органдарының баспасөз қызметі мәліметінше, тергеу барысында сараптамалар жүргізіліп, дәлелдер жиналып, тергеу жұмысының қорытындысы бойынша бұлтартпау шарасы ретінде қамауда ұстау таңдалған.
Тергеу мүддесіне байланысты басқа ақпарат жарияланбады.
Мән-жай
Бұл іс жұртшылықтың назарын аударды, өйткені Сәкен Мамаш - Қазақстанның дипломатиялық қызметіне қатысы бар тұлға.
2024 жылғы мамырда Карина Госман (бұрын Мамаш) сол кезде БАӘ-дегі Қазақстан елшілігінде қызмет еткен жұбайы тарапынан зорлық-зомбылық жасалғанын мәлімдеді.
