Төтенше жағдайлар министрлігі өкілдері Алматы мен Алматы облысында 6 қарашада жер сілкінісі болады деген хабарламаға жауап берді, - деп хабарлайды Dalanews.kz.
Мұндай хабарлама ата-аналардың чатында тарап кеткен.
ТЖМ бұл ақпаратты жоққа шығарды. Ведомство мәліметінше, алдағы уақыттары Алматы мен Алматы облысында 6 балл жер сілкінісі болады деген болжам жоқ.
ТЖМ тек ресми ақпараттарға сенуді сұрады.
Алматы облысының Білім басқармасындағылар да бұл ақпаратты жоққа шығарды.
Сарапшылардың қорытындысына сәйкес, балалар 6 қарашадан бастап офлайн оқиды.
Еске салайық, бүгін алматылықтар жер сілкінісін сезді.
ҚР ТЖМ "СБЗҰҒО" ЖШС сейсмикалық станциялар желісімен 2024 жылғы 5 қарашада Астана уақыты бойынша 10.00 минут 30 секундта жер сілкінісі тіркелді.
"Жер сілкінісінің координаттары: 43.261 с.е. 77.310 ш.б. Жер сілкінісі ошағы Қазақстан аумағында Алматы қаласынан шығысқа қарай 33 км. жерде орналасқан", - деп жазылған хабарламада.
Есептік қарқындылығы:
- Алматы қаласы 3 б.
- Талғар 4 б.
- Есік 4 б.
- Түрген 3.0 б.
- Өтеген-Батыр 3 б.
- Боралдай 2 б. с.
- Маловодное 2б.
- Ж. Қайыпов 2 б.
- Алатау (Жетіген) 2 б.
- Қарасай (Қаскелең) 2 б.
Жер сілкінісі кезіндегі 10 қарапайым қадам:
- Жер дүмпуі кезінде үрейленбеңіз;
- Жер сілкіну кезінде лифт және баспалдақпен қолданбаңыз;
- Жиhаздан, терезеден, ары тұрыңыз;
- Жасырынатын жерді табыңыз - жоғарғы қабаттарда негізгі іргелі қабырғалардың бұрышында орын алып жасырыңыз;
- Ғимараттан шығыңыз (төменгі қабаттарда); - көп қабатты үйлерде жер сілкіс аяқталған соң ғимараттан шығыңыз;
- Кетер алдында суды, газды, электр қуатын мүмкіндігіңізше өшіріңіз;
- Дабыл жол сандығын алыңыз (алдын ала дайындау қажет);
- Электр желілерден , ғимарат, ағаштардан аулақ болыңыз;
- Жер сілкінуіне дайын болыңыз;
- Қарт адамдарға, балаларға, мүмкіндігі шектеулі адамдарға көмек көрсетіңіз.
