Ұлттық экономика вице-министрі Арман Қасенов бүгіндері ұлттық валютамыздың нығайып жатқанына не түрткі екенін түсіндіріп көрді, деп хабарлайды Dalanews.kz.

Сенаторлар алдында сөз алған вице-министр 2024 жылы 1 АҚШ долларының құны 460-465 теңге деңгейінде болғанын еске салды. Тіпті, өткен жылы нығаю 440 теңгеге дейін жүрген. Ол кезде бұл төлем балансы, мұнай бағасы және басқа экспорттық тауарлар, сондай-ақ санкция саясаты сияқты негізгі факторларға байланысты болды.

"Теңге фундаментальды деңгейіне оралды. Іргелі деңгейлер қазір 1 АҚШ доллары үшін шамамен 500 теңгенің айналысында болып тұр. Ал доллар бағамының 530-ға дейін шақыртауы фундаментальды деңгеймен байланысты болмаған. Оны санкциялар енгізілген кездегі эмоционалды деңгеймен байланыстарған дұрыс болады. Ал қазір біз тек фундаментальды деңгейге оралудың куәсі болып отырмыз", - деді Арман Қасенов.

Ол өзінің бұл пайымы қазіргі уақыттағы мұнай экспорты мен импортының деңгейі және мұнайдың бағасының қазіргі деңгейі жағдайында өзекті болып табыоатынын да нақтылай кетті.

Айта кетсек, өткен демалыс күндері бағамы нығайып басталған ұлттық валюта осы апта бойында да едеуір күш жинады. 2025 жылы 13 ақпанда Ұлттық Банктің ресми бекіткен бағамына сәйкес, 1 АҚШ доллары 501,31 теңге болды. Ал ақша айырбас орындарында америкалық валютаның құны 500 теңгеден де төмендей түскен.