Júk poiyzy tórt adamdy basyp ketken oqiǵa boiynsha temirjoldyń úsh qyzmetkeri sottaldy, dep habarlaidy dalanews.kz.
Qaiǵyly oqiǵa 2025 jylǵy 10 jeltoqsanda Sheshenqara – Qarajyńǵyl aralyǵynda boldy. Júk poiyzy temirjol súiemelin jóndeýmen ainalysyp jatqan brigadany basyp ketti. Jumystar aralyqty jappai jáne qaýipsizdik sharalaryn saqtamai júrgizilgen.
Poiyz mashinisine jolda adamdardyń júrgeni týraly ýaqtyly eskertilmegen. Saldarynan tórt qyzmetker qaza taýyp, taǵy eki adam jaraqat aldy.
Sottyń 9 shildedegi úkimimen poiyz dispetcheri 5 jylǵa bas bostandyǵynan aiyryldy. Saryshaǵan jol distantsiiasynyń eki qyzmetkerine 3 jyl 6 aiǵa bas bostandyǵyn shekteý jazasy taǵaiyndaldy. Budan bólek, úsheýine de temirjol kóligindegi qozǵalys qaýipsizdigin qamtamasyz etýge bailanysty qyzmetpen ainalysýǵa tyiym salyndy.
Úkim zańdy kúshine engen joq.
